НҰР-СҰЛТАН, 15 маусым – Sputnik. Денсаулық сақтау министрлігі коронавирус індетінен тағы төрт науқас қайтыс болғанын мәлімдеді.
Оның бірі – 1941 жылы туған әйел Нұр-Сұлтан қаласының тұрғыны болса, енді бірі – 1971 жылы туған әйел адам Павлодар облысының азаматы. Сонымен қатар Амола облысының екі тұрғыны – 1977 жылы туған ер адам және 1952 жылы туған әйел адам көз жұмды.
"Өлім нәтижелерін зерттеу жөніндегі комиссия бұл жағдайларды коронавирус инфекциясынан қайтыс болған деп тіркеуге шешім қабылдады", – делінген хабарламада.
Қазақстан бойынша барлығы 77 адам қайтыс болды. Оның ішінде:
- Нұр-Сұлтан қаласы – 15;
- Алматы қаласы – 10;
- Шымкент қаласы – 11;
- Ақмола облысы – 6;
- Атырау облысы – 3;
- Шығыс Қазақстан облысы – 1;
- Жамбыл облысы – 1;
- Батыс Қазақстан облысы – 4;
- Қарағанды облысы – 7;
- Қостанай облысы – 2;
- Маңғыстау облысы – 2;
- Павлодар облысы – 12;
- Түркістан облысы – 3.
Айта кетейік, республика бойынша 14 496 адам аталған індетке шалдықса, 9 188 науқас дертінен айығып шықты.
