15:16 12 Шілде 2020
Тікелей эфир
  • USD412.55
  • EUR465.73
  • RUB5.79
Қоғам
Қысқа сілтеме алу
751 0 0

Маман адамдарды үрей мен қорқынышқа берілмей, әуелі аурудың белгілеріне мұқият көңіл бөлуге шақырды

АЛМАТЫ, 23 маусым – Sputnik. Қазақстанның жетекші инфекционисі Динагүл Баешева аллергиясы бар адамдарды дүрбелеңге салынбай, оны коронавирустан қалай ажыратуға болатынын айтты, деп хабарлайды Sputnik Қазақстан тілшісі.

Инфекционист аллергия кезінде де, коронавирус жұқтырғанда да адамның мұрны бітеліп, тыныс алуы қиындайтынын айтты. Алайда профессор бірден дүрбелеңге салынбай, адамдарға біраз уақыт өзін бақылауға кеңес берді.

"Коронавирусқа мұрынның бітелуі тән. Коронавирус – инфекциялық үдеріс, сол себепті дене қызуы көтеріліп, адамда әлсіздік пен басқа да ауру белгілері пайда болады. Мұрын бітеліп, адамда иіс сезу қабілеті жоғалады. Кофенің, әтірдің иісін сезбейді. Бұл симптомдар жұқпалы ауруларға тән", - деп түсіндірді Баешева.

Ал аллергия кезінде тыныс алу қиындап, мұрын бітеледі, алайда адам басқа қандай да бір өзгерісті байқамайды, өзін жақсы сезінеді.

"Егер адамда бұрын-соңды мұндай жағдай болса, ол аллергия екенін білу тиіс. Мысалы "жусан гүлдесе, аллергия басталады, мұрын бітеліп, дем ала алмаймын" дейді. Яғни, аллергия мен коронавирустың клиникалық көріністері бір-бірінен ерекшеленеді", - дейді Динагүл Баешева.

Инфекционистің айтуынша, ең алдымен үрей мен қорқыныштан құтылу керек, содан кейін аурудың симптомдарына мұқият қарау қажет. 

Тақырып бойынша

Коронавирустан дәрі-дәрмексіз емделуге болады – инфекционист кеңес берді  
Аллергиясы бар адамдар нені білуі қажет: маман кеңес берді
Коронавирусты неше күнде жеңуге болады – маман пікірі
Кілт сөздер:
коронавирус, аллергия
Загрузка...

Басты тақырып