13:06 08 Шілде 2020
Тікелей эфир
  • USD409.19
  • EUR461.24
  • RUB5.67
Қоғам
Қысқа сілтеме алу
Коронавирус эпидемиясы (1099)
143 0 0

Президент коронавирус инфекциясына қарсы іс-қимыл бойынша қойған міндеттерінің толығымен орындалмағанын айтты

НҰР-СҰЛТАН, 29 маусым – Sputnik. Қазақстан президенті Қасым-Жомарт Тоқаев коронавирус инфекциясына қарсы күресті соғысқа теңеді, деп хабарлайды Sputnik Қазақстан тілшісі.

"Коронавирус инфекциясына қарсы іс-қимыл бойынша менің қойған мақсат-міндеттерім орындалған жоқ немесе толығымен орындалмады. Мен бұған дейін айтқанмын, негізі, біз соғыста жүрміз, ол жерде мүлдем басқа тәртіп, басқа ережелер. Бұл фестиваль мен форумды өткізу емес. Басқарудың мүлдем басқаша стилі керек. Шын мәнінде, дағдарысқа қарсы шаралар болуы шарт", - деді Тоқаев бүгін коронавирус инфекциясына қарсы іс-қимыл жөніндегі кеңестің отырысында.

Мемлекет басшысының айтуынша, пандемия кезінде елдегі цифрландырудың кемшіліктері анықталды. Соның ішінде денсаулық сақтау саласы да бар.

"Жағдайдың мониторингі әлі күнге дейін қолма-қол режимде жүргізіледі", - деді президент.

Айта кетейік, осы отырыста президент жұмысына салғырт қарағаны үшін Шымкент әкімі Мұрат Әйтеновке, Ақтөбе облысының әкімі Оңдасын Оразалинге, Павлодар облысының әкімі Әбілқайыр Сқақовқа және премьер министрдің орынбасары, ведомствоаралық комиссияның төрағасы Ералы Тоғжановқа сөгіс жариялады.

Ал Нұр-Сұлтан әкімі Алтай Көлгінов, Алматы әкімі Бақытжан Сағынтаев, Цифрлық даму, инновациялар және аэроғарыш өнеркәсібі министрі Асқар Жұмағалиев ескерту алды.

Сондай-ақ, президент Атырау, Қостанай және Батыс Қазақстан облыстарының әкімдеріне өңірлердегі ахуалды реттеу қажеттігін ескертті.

Тоқаев бұл мәселе барлық облыс басшыларына қатысты екенін айтты.

Тақырып:
Коронавирус эпидемиясы (1099)

Тақырып бойынша

Қатаң карантин қайта оралуы мүмкін: Тоқаев үкіметке екі күн уақыт берді 
"Ең жаманы – осы": Тоқаев коронавирусқа байланысты елдегі жағдай туралы айтты
Тоқаев бірнеше әкімге сөгіс жариялады
Алматы облысында блок бекеттер қайта қойылатыны рас па – әкімдік жауап берді
Ұлттық сараптама орталығы коронавирусқа ақылы ПТР-тест жасауды тоқтатты
Кілт сөздер:
форум, соғыс, президент, коронавирус
Загрузка...

Басты тақырып