Қоғам

Коронавируспен ауырған Алматы облысының әкімі Нұр-Сұлтанға жеткізілді

© Photo : сайт акимата Алматинской областиАким Алматинской области Амандык Баталов
Аким Алматинской области Амандык Баталов - Sputnik Қазақстан
Жазылу
Амандық Баталовты Нұр-Сұлтан қаласындағы кардиологиялық орталыққа жатқызу туралы шешімді дәрігерлер дерттің асқынуына байланысты қабылдаған

НҰР-СҰЛТАН, 8 шілде – Sputnik. Осы кезге дейін коронавирустан емделген Алматы облысының әкімі Амандық Баталов жүрек жеткіліксіздігіне байланысты Нұр-Сұлтан қаласындағы кардиологиялық орталыққа жатқызылды, деп хабарлайды Sputnik Қазақстан.

Бұл туралы брифингте аймақ басшысының орынбасары Батыржан Байжұманов мәлімдеді. Ол Баталовтың денсаулығы қазір жақсарып келе жатқанын хабарлады.

"Науқасты Нұр-Сұлтандағы кардиологиялық орталыққа жатқызу туралы шешімді дәрігерлер өткен аптаның соңында қабылдады. Оның тыныс алуы нашарлады және жүрек жеткіліксіздігімен ауыра бастады. Қазіргі кезде әкім осы орталықта қажетті ем қабылдауда. Соңғы мәліметтер бойынша оның денсаулығы айтарлықтай жақсарды", - деп атап өтті Байжұманов.

Айта кетейік, маусым айының соңында Алматы облысының әкімі короновирустық инфекция белгілерімен ауруханаға түскен болатын. 67 жастағы Амандық Баталов облысты 2014 жылдың күзінен бері басқарып келеді.

Оқи отырыңыз: Амандық Баталов Елдос туралы: бұл жігіттің қайсарлығына таңғаламын

Жаңалықтар
0