04:26 11 Тамыз 2020
Тікелей эфир
  • USD418.31
  • EUR491.93
  • RUB5.68
Қоғам
Қысқа сілтеме алу
Коронавирус эпидемиясы (1375)
5562 0 0

Алапат дерт біздің адамдарымыздың өмірін қиып әкетуде. Бұл бәріміздің қабырғамызды қайыстырып отыр, деп атап өтті Назарбаев

НҰР-СҰЛТАН, 13 шілде – Sputnik. Қазақстанның Тұңғыш президенті Нұрсұлтан Назарбаев коронавирус індетінен қаза болғандардың туыстары мен жақындарына көңіл айтты, деп хабарлады Elbasy.kz.

Елбасы бүгінде Қазақстан бұрын-соңды болмаған күрделі ахуалмен бетпе-бет келіп отырғанын атап өтті.

"Қауіпті індет біздің қалаларымыз бен ауылдарымызға тарап, өкінішке қарай, адам шығыны орын алып жатыр. Мемлекет басшысының шешімімен 13 шілде коронавирус індетінен қайтыс болған азаматтарды еске алу ­– Ұлттық аза тұту күні болып жарияланды", - деп атап өтті Назарбаев.

"Алапат дерт біздің адамдарымыздың өмірін қиып әкетуде. Бұл бәріміздің қабырғамызды қайыстырып отыр. Әрбір кісі өлімінің артында қара жамылған біраз адамның ­– әкелер мен аналардың, қыздарымыз бен ұлдарымыздың, дос-жарандарымыздың қайғы-қасіреті тұр", - деп толықтырды ол.

Қазақстандықтар коронавирустан қайтыс болғандарды аза тұтып жатыр

Елбасы мезгілсіз қаза болғандардың туған-туыстары мен жақындарына қайғыларына ортақтасып, көңіл айтты.

"Біз береке-бірлік пен тұтастықтың арқасында талай сынақтан сүрінбей өттік. Бұл қиындықты да ел болып еңсереміз деп сенемін", - деп түйіндеді Нұрсұлтан Назарбаев.

Тақырып:
Коронавирус эпидемиясы (1375)

Тақырып бойынша

Тоқаев ұлттық аза тұту күнін жариялады
Қазақстанда аза тұту күнінде бір минуттық үнсіздік жарияланады
Тоқаев жалпыұлттық аза тұту күнін жариялау туралы жарлыққа қол қойды
Орны толмас қайғы - Қазақстан бір-екі апта ішінде кімдерден айырылды
Кілт сөздер:
Назарбаев, үндеу, коронавирус
Загрузка...

Басты тақырып