17:43 04 Тамыз 2020
Тікелей эфир
  • USD420.07
  • EUR493.25
  • RUB5.68
Қоғам
Қысқа сілтеме алу
6891880

Қызылорда облысының әкімі жолды жабу туралы тапсырма бермегенін, ол учаскелік полицияның шешімі болуы мүмкін екенін атап өтті   

АЛМАТЫ, 15 шілде – Sputnik. Қызылорда облысының әкімі Гүлшара Әбдіқалықова әлеуметтік желіде тараған видеоға қатысты мәлімдеме жасады, деп хабарлайды Sputnik Қазақстан тілшісі.

Бұған дейін Жаңақорған ауданының тұрғыны Қызылорда облысының әкімі келеді деп жолды жауып тастағанын айтып, видео жариялаған болатын.

Әбдіқалықованың айтуынша, аймақ басшысы да, аудан әкімі де жолды жабуға ешқандай тапсырма бермеген.

"Бүгін Жаңақорған, Шиелі аудандарындағы ауруханаларды аралап, дәрі-дәрмекпен, оттегімен қамтамасыз ету мәселелерін қарап жатырмын. Осындай іссапар кезінде Жаңақорған ауданы инфекциялық ауруханасының қасында Сандуғаш Тұрлыбекова деген әйел маған келіп, жолдың жабылғанын айтты", - деді облыс әкімі.

Сонымен қатар ол осы істің мән-жайын анықтауды облыстық полиция департаменті басшысына тапсырғанын жеткізді.

"Мен жолды жабу туралы тапсырма берген жоқпын, аудан әкімі де ешқандай тапсырма бермеді. Сол жердегі ішкі істер бөлімінің басшысы да ондай тапсырма берілмегенін айтып отыр. Бұл учаскелік полицияның шешімі болса, оның іс-әрекетіне қатысты облыстық департамент басшысы Сұлтан Бектөреге тапсырма бердім", - деді Әбдіқалықова.

Енді полиция департаменті учаскелік полицияның іс-әрекеті қаншалықты дұрыс екенін, қандай кемшілік жібергенін анықтайды.

Оқи отырыңыз: 42 500 теңгені қайта қарап, балалы отбасыларға қосымша ақша төлеу ұсынылды 

Айта кетейік, желіде тараған видеода Жаңақорған кентінің тұрғыны Әбдіқалықованың алдынан шығып, облыс әкімі боласыз ба деп нақтылап сұрайды. Содан кейін қоғамдық көлік жарты жолдан тастап кеткенін, жолдың жабылғанын айтады.

"Сіз осында келе жатырмын деп жолды жаптырдыңыз ба? Бізді жолдан түсіріп кетті. Жолды жаптыратын ханның қызысыз ба? Неге келе жатқанда осылай жасайсыздар? Халықты қорлайсыздар, халықпен бірге емессіздер", - деген болатын облыс тұрғыны.

Видеода облыс әкімі жолды жаптырмағанын айтқан.

Тақырып бойынша

Қытайдан әкелінген маскаларға инфекция жұқтырылған - министрлік түсініктеме берді
Маңғыстауды шулатқан видео авторларының басы бәлеге қалды
Аза тұту күні дәрігерлерді көшеге шығару бастамасын кім көтергені белгілі болды
Загрузка...

Басты тақырып