13:07 06 Тамыз 2020
Тікелей эфир
  • USD418.35
  • EUR496.08
  • RUB5.73
Қоғам
Қысқа сілтеме алу
1329 0 0

Министр электронды сауданың артқанына қарамастан, әлі күнге дейін онлайн-желіге толық көшу үшін кедергілер бар екенін айтады

НҰР-СҰЛТАН, 28 шілде – Sputnik. Қазақстанда онлайн саудамен айналысатын жеке кәсіпкерлер корпоративтік табыс салығы мен жеке табыс салығынан босатылуы мүмкін. Қазір бұл ұсыныс үкіметте талқыланып жатыр. Бұл туралы сауда және интеграция министрі Бақыт Сұлтанов мәлімдеді, деп хабарлайды Sputnik Қазақстан тілшісі.

"Электронды сауданы одан әрі дамыту мақсатында электронды саудадан түсетін кірістер жылдық жиынтық табыстың кемінде 40%-ін құраған жағдайда, Салық кодексіндегі жеке кәсіпкерлер үшін корпоративтік табыс салығы мен жеке табыс салығын төлеуден босату нормасы жөніндегі өзгерістерді қолдауды сұраймыз. Бизнес қоғамдастықтан осындай ұсыныс келіп жатыр. Біз бұл мәселені үкіметтің экономикалық, қаржы секторымен талқылап жатыр", – деді Сұлтанов үкімет отырысында.

Сонымен қатар, қолма-қол ақшасыз төлемдерді пайдалануды ынталандыру үшін Ұлттық банкпен бірлесіп банкаралық аударымдар комиссиясын төмендету, эквайринг мәселелері, сондай-ақ жаңа банктік емес төлем жүйелерін дамыту пысықталуда.

Министр электронды сауданың артқанына қарамастан, әлі күнге дейін онлайн-желіге толық көшу үшін кедергілер бар екенін атап өтті. Атап айтқанда, көлеңкелі экономика, банкаралық төлемдер, эквайринг бойынша жоғары комиссия, шағын орта кәсіпорындардың дайын еместігі және тауарларды уақытылы жеткізе алмау сияқты проблемалар.

"Электронды сауданың өсу қарқынын қолдау үшін нормативтік және техникалық қамтамасыз етуді одан әрі жетілдіру қажет", – деді ол.

Оқи отырыңыз: Қаржы министрлігі кімдердің өсімпұлы кешірілетінін айтты

Қазір сауда министрлігі отандық компанияларды Алибаба, Amazon, Яндекс, Озон, Shopify сияқты халықаралық онлайн сауда алаңдарына шығару мәселесін пысықтап жатыр.

Тақырып бойынша

Елімізде мобильдік қосымша көмегімен салық төлеу жеңілдейді
ЕАЭО-да интернет-сауда ережесі ортақ болуы мүмкін 
Байланыс операторлары интернет неге баяу істеп тұрғанын түсіндірді
Отандық бизнес жыл соңына дейін салық тексерісінен босатылды
Пандемия білім алуға кедергі емес: қазақстандықтар интернет арқылы оқуға түсе алады
Кілт сөздер:
салық төлеуші, салық
Загрузка...

Басты тақырып