23:40 22 Қыркүйек 2020
Тікелей эфир
  • USD421.58
  • EUR496.83
  • RUB5.53
Қоғам
Қысқа сілтеме алу
5329 0 0

Шымкентті шыр айнала ұшып жүрген әскери тікұшақтар жергілікті тұрғындарды алаңдатты, Қазақстанның қорғаныс министрлігі жағдайды түсіндірді

АЛМАТЫ, 5 тамыз – Sputnik. Шымкент тұрғындары әуеде ұшып жүрген әскери тікұшақтарды талқылап жатыр. Арасында бұл тікұшақтардың қала шекарасы бойымен не мақсатпен айналып жүргеніне болжам жасағандар да бар. Ал қорғаныс министрлігі бұдан еш қорқудың қажеті жоқ екенін, мұның тек жоспарлы ұшу екенін мәлімдеді.

"Бұл жоспарлы түрде өткізілетін ұшу жаттығулары. Олар өткен түнде қараңғы түскен уақытта өтті. Қазір күндізгі тапсырмалар пысықталып жатыр. Дүрбелеңге салынуға ешқандай себеп жоқ", - деп хабарлады Қазақстанның қорғаныс ведомствосы.

Бұған дейін Алматы және Жамбыл облыстарында әскери бөлімдерде кенеттен тексеру жүргізілгені хабарланған болатын.

Қапшағай мен Алматыдағы десанттық-шабуыл бригадалары мен Отардағы артиллериялық және танк бригадаларының жауынгерлік әзірлігін тексеру үшін дабыл соғылды. Оған жеке құрамнан басқа 200-ден астам танк, жаяу әскердің жауынгерлік машинасы және брондалған әскери көлік, онға жуық ұшақ, тікұшақ және ұшқышсыз ұшу аппараты, үш зениттік-зымырандық дивизион, оннан астам радиолокациялық бөлімше қатысты.

Бұл қоғамда тараған алғашқы қауесет емес

Шілденің басында әлеуметтік желіде авиацияның көмегімен елді мекендердің үстінен биохимиялық дәрі шашылып жатқаны туралы хабарлама тарай бастады.

Қазақстанның ішкі істер министрлігі бұл ақпаратты жоққа шығарып, оны  елдегі жағдайды тұрақсыздандыру әрекеті деп бағалады.

Оқи отырыңыз: "Ұшақпен белгісіз зат шашады": министр желіде тараған ақпаратқа жауап берді

ІІМ басшысы Ерлан Тұрғымбаев жалған хабарламаларға қатысты түсініктеме бере отырып, көрінеу жалған ақпарат таратқаны үшін қылмыстық жауапкершілік қарастырылғанын еске салды. Сондай-ақ, Қылмыстық кодекстің 274-бабы "Көрінеу жалған ақпарат тарату" бойынша сотқа дейінгі тергеудің басталғаны туралы хабарлады.

Тақырып бойынша

Енді ұшақ жолаушыларынан коронавирус анықтамасы талап етілмейді
Белгілі миллиардер тікұшақ апатынан қаза болды
Көкте ұшақ пен тікұшақ соқтығысып қалды – жантүршігерлік апаттың видеосы
Әскери техника: Қазіргі жаңа тікұшақ тасушылар қандай
Әлемдегі ең үлкен тікұшақ Шығыс Қазақстанда басталған өртті сөндіруге жіберілді
Кілт сөздер:
Шымкент, тікұшақ
Загрузка...

Басты тақырып