Қоғам

Коронавирусқа қарсы вакцина қанша теңге тұруы мүмкін

© REUTERS / THE RUSSIAN DIRECT INVESTMENT FUСотрудник лаборатории проводит исследования по разработке вакцины от коронавируса
Сотрудник лаборатории проводит исследования по разработке вакцины от коронавируса - Sputnik Қазақстан
Жазылу
Коронавирусқа қарсы вакцинаның құны шамамен 2 200-4 500 теңге аралығында болуы мүмкін, деп атап өтті Бағдат Қожахметов

НҰР-СҰЛТАН, 11 қыркүйек – Sputnik. Коронавирусқа қарсы вакцинаның бағасы әзірге белгісіз, бірақ болжаммен 2200-4500 теңге аралығында болуы мүмкін. Бұл туралы денсаулық сақтау министрлігінің ресми өкілі Бағдат Қожахметов мәлімдеді, деп хабарлайды Sputnik Қазақстан тілшісі.

"Коронавирусқа қарсы вакцина, сіздер білесіздер, әлі дайын емес. Оның бағасы қандай болатыны әзірге белгісіз. Жалпы, болжамдарға қарағанда, тұмауға қарсы вакцинаның бағасымен сәйкес келуі мүмкін", - деді Қожахметов онлайн баспасөз мәслихатында.

Ұлттық қоғамдық денсаулық сақтау орталығы жұқпалы аурулардың алдын алу департаментінің директоры Жұмабек Бекеновтің айтуынша, тұмауға қарсы вакцина 2 200-4 500 теңге аралығында.

Вакцина халықтың тәуекел тобына, яғни, мүгедектерге, жүкті әйелдерге, балаларға, медицина қызметкерлеріне тегін егіледі. Бұл үшін екі миллион доза сатып алынды. Қалған азаматтар вакцинаны өз ақшасына салдыра алады.

Оқи отырыңыз: Коронавирус пандемиясы қашан аяқталады – ДДҰ басшысы болжам жасады 

Бұған дейін денсаулық сақтау министрі Алексей Цой коронавирусқа қарсы ресейлік "Спутник V" және оксфордтық вакциналар сатып алынуы мүмкін екенін айтты. Осыған қатысты келіссөздер жүріп жатыр. Қазақстандық ғалымдар да өз вакцинасын әзірлеуде. Отандық QazCovid-in вакцинасының клиникалық сынағына қатысуға 627 адам ниет білдірді.

Дүниежүзілік денсаулық сақтау ұйымы 31 шілдеде қазақстандық инактивтелген QazCovid-in вакцинасын клиникалық сынақтарға жіберілген кандидаттық вакциналар тізіміне енгізді.

Вакцинаны әзірлеген жеті маман вируспен үнемі жұмыс істегендіктен, қауіпсіздік мақсатында екпені алғашқылардың бірі болып өздеріне салды. Еріктілердің арасында институт директоры да бар. Талдау нәтижесі бойынша бәрінің ағзасында вирусқа антидене түзілген. Қызметкерлердің жағдайы жақсы, ғылыми-техникалық бағдарлама аясында жұмысын жалғастыруда.

Жаңалықтар
0