АСТАНА, 15 қыр — Sputnik. "Барыс" хоккей клубы сәрсенбі күні Континенталды Хоккей Лигасының тұрақты маусым ойынында Екатеринбургтік "Автомобилисттен" буллит бойынша — 2:3 есебімен жеңіліп қалды.
Қосымша берілген уақыт жеңімпазды анықтамады. Ал буллит бойынша соңғы нүктені Моня қойды.
Нәтижесінде "Барыс" 1 ұпайға ие болып, 4 баллмен Шығыс конференциясында және КХЛ Чернышев Дивизионында соңғы орынға түсті. Келесі ойын Астана қаласында 16 қыркүйек күні ойнатылады.
Қазақстандық клуб осы жолы санкт-петербургтік СКА командасына қарсы ойнайды. Континенталдық хоккей лигасы (КХЛ) — ресейлік Суперлига негізінде құралған, клубтық хоккей жарысы. Бұл жарысқа Ресейдің 22 клубы және Қазақстан, Белоруссия, Латвия, Словакия, Финляндия, Қытай және Хорватия елдерінің бір-бір клубы қатысады. КХЛ Ұлттық хоккей лигасына қарсы құрылған. ҰХЛ-ға жыл сайын ең үздік еуропалық хоккейшілерді жинап алған канадалық және американдық хоккей клубтары қатысады.
