Астананың ғашықтар саябағында Олимпиада чемпиондарымен жүлдегерлері олимпиадалық және паралимпиадалық медальдер санын білдіретін он тоғыз тяньшань шыршасын отырғызды.
Осылайша, әйгілі спортшылар жаңа жұлдыздар аллеясына жол ашты. Спорт аллеясына енді олимпиада чемпионы Данаияр Елеусіновтің, күміс жүлдегерлер Әділбек Ниязымбетов, Василий Левит, Гузель Манюрова және Жазира Жаппарқұл, сонымен қатар қола жүлдегері Екатерина Ларионова, Дариға Шакимова, Иван Дычко, Карина Горичева және Фархад Харкидің талдары көрік беретін болады. Еліміздің туын асқақтатқан параалимпиада спортшылары — алтын медаль иегері Зульфия Габидуллина мен күміс жүлдегер Райшан Қойшыбаева тағы екі шырша отырғызды.
