АСТАНА, 20 ақп — Sputnik. Америкалық боксшы Дэниел Джейкобс орташа салмақ дәрежесінде төрт чемпиондық белдік иегері қазақстандық Геннадий Головкинді жеңетініне сенімді.
"Геннадий – мықты боксшы, жекпе-жекке қашанда бірнеше жоспары дайын. Қалағанын жоспарлап, мені менсінбесе де, өзі білсін. 18 наурызда бәрі бір мен жеңемін", — депті Джейкобс Boxingscene.com сайтында жарияланған мақалада.
Джейкобс бұл сөздерін 18 наурызда Нью-Йорктағы Madison Square Garden аренасында өтетін жекпе-жекке бір ай қалғандағы салмақ өлшеу сәтінен кейін, яғни сенбі күні (Астана уақытымен жексенбі таңертең)18 ақпанда айтқан екен.
Жекпе-жекке бір ай қалғанда Головкиннің салмағы 74,3 килограмм, ал Джейкобстікі – 78,7 килограмм.