АСТАНА, 21 ақп — Sputnik. Қазақстандық шаңғышы Елена Коломина сейсенбі күні Жапониядағы Азиадада қола жүлдеге ие болды. Бұл оның құрылықтық қысқы ойындардағы екінші медалі.
Коломина сейсенбі күні таңертең 10 шақырымдық еркін сайыста мәреге үшінші болып жетті. Бұл жарыста бірінші орынды жапон қызы Юки Кобаяши, екінші орынды кәріс Чэ Вон Ли алды.
Қазақстандық шаңғышы үшін бұл медаль – осы Азиададағы екінші жүлде. Дүйсенбі күні Коломина 1,4 шақырымдық спринтте күміс жүлдегер атанған болатын.
