Спорт

Велосипедке мініп, көпірдің аркасына шыққан итальяндық экстремал елорда тұрғындарын таңғалдырды

© Photo : аккаунт Витторио Брумотти в соцсетяхВитторио Брумотти
Витторио Брумотти - Sputnik Қазақстан
Жазылу
Желіде атақты каскадердің Астанада түсірген таңғажайып видеосының үзіндісі жарияланды

АСТАНА, 14 тамыз – Sputnik. Итальяндық каскадер  Витторио Брумотти велосипедіне мініп, Астана көпірінің биік аркасын бағындырды.

 

 

Astana ProTeam велокомандасының баспасөз хатшысы Дина Ибраева Sputnik Қазақстан агенттігіне Брумотти трюгінің анық-қанығын баяндап берді.

Оның сөзіне сүйенсек, Брумотти Қазақстанға "Тур ЭКСПО" веложарысы аясында келген. Оның келуі құрметіне арнайы клип түсіріліпті, соның үзіндісі интернетте жарияланған болса керек.

"Әлбетте, көпірден велосипедпен түсейін деген ойы жоқ болатын. Бұл өте тік көпір. Аркаға ақырын жылжып шықты. Оның өзі оңайға түскен жоқ. Майканың бір жағымен өзін, екінші жағымен велосипедті байлап алды. Жоғарыға шыққан соң, велосипедке мініп біраз жүрді. Дронмен тамаша видео түсірген. Содан кейін оператор да жоғары шығып, түсірілімді жалғастырды. Жалпы қалада бірнеше жерде клип түсірдік. Хан Шатырдың төбесінде, Пирамиданың қасында, "Нұржол" бульварінде. Клип тамаша болып шықты. Екі аптадан соң ресми нұсқасы жарыққа шығады", — деді Ибраева агенттікке.

Айта кетелік, отыз бес жастағы информатика пәні мұғалімі Витторио Брумотти бірнеше мәрте Гиннестің рекордтар кітабына енген, велотриал бойынша 2006 жылғы әлем чемпионы. 

Ол 2012 жылы Дубайдағы аспанмен таласқан Бурдж-Халифа ғимаратына велосипедімен 2 сағат 20 минутта шыққан болатын.

Жаңалықтар
0