АСТАНА, 17 қыркүйек— Sputnik. Орта салмақтағы бес кәсіби ұйымның төртеуі бойынша әлем чемпионы Генадий Головкин және оның мексикандық қарсыласы Сауль "Канело" Альварес арасында жексенбі күні Лас-Вегаста болған жекпе-жек тең аяқталды.
Жекпе-жекке Головкиннің орта салмақтағы WBA (Super), WBC, IBF және IBO чемпион титулдары қойылып, боксшы оларды тағы да қорғап қалды. Канело болса, жекпе-жекке The Ring журналының титулын қойды. Оған қоса, жекпе-жек барысында желіоік әлем чемпионы дәрежесі ойнатылды.
Американдық Лас-Вегастағы 20-мыңдық T-Mobile аренасында болған жекпе-жек кезінде барлығы 12 раунд орын алды. Ең басынан GGG жекпе-жектегі бастаманы өз қолына алды, ал "Канело" болса көп ретте қарсы шабуыл жасап отырды.
10 раундтың соңына қарай екі боксшы да шаршаңқырап қалды. Алайда жасы кіші Альварес бұл жолғы жекпе-жекте белсенді көрініп, есеп теңестірді. Нәтижесінде төрешілердің бірі өз дауысын мексикандық боксшыға берсе, екіншісі — Головкинге, ал үшінші төреші болса, жекпе-жек тең түсті деп жариялады.