АСТАНА, 16 қаңтар – Sputnik. Аралас жекпе-жектен әлем чемпионы Конор Макгрегордың бапкері Джон Каванаг твиттердегі жеке парақшасында қызық диалогтан үзінді жариялады, деп хабарлайды Sports.kz.
"Таңғы ас әкелген даяшы:
— Қайдан боласыз?
— Ирландиядан.
— О, керемет. Менің сүйікті боксшымды білесіз бе? GGG!
— Тамаша, бірақ ол Қазақстаннан.
— Иә, бірақ тұтас Ұлыбритания және барлығы…
— Иә, дегенмен мен ирландиялықпын.
— Олай болса, асыңыз дәмді болсын".
Айта кетейік, Каванагтың ең танымал шәкірті – UFC чемпионы Конор Макгрегор. Қазақстандық боксшы Геннадий Головкинге (37-0-1, 33 КО) қатысты айтсақ, ол 5 мамырда рингке оралып, мексикалық Сауль Альвареспен (49-1-2, 34 КО) реванш өткізеді деп жоспарланып отыр.
