АСТАНА, 4 наурыз — Sputnik. Ringsidereport.com журналисі Пэки Голдстейн қазақстандық Геннадий Головкин (37-0-1, 33 КО) мен мексикалық Сауль Альварес (49-1-2, 34 КО) арасындағы екінші жекпе-жекке қатысты пікір білдірді, деп жазды Sports.kz.
"GGG лагерінде біраз жыл жұмыс істеген менің әріптесім Геннадий жекпе-жекті төрешілер шешіміне жеткізбей, мерзімінен бұрын аяқтағысы келетінін айтты. Головкин Альваресті жойқын нокаутқа түсіріп, әлемге 160 фунтта үздік боксшы екенін дәлелдеп, ал содан кейін Бокс даңқы залына қосылуды көздеп отыр", — деп жазды Голдстейн.
16 қыркүйек күні Лас-Вегастағы T-Mobile Arena-да өткен алғашқы жекпе-жек тең аяқталды. Реванш 5 мамырда өтеді.
