АСТАНА, 16 сәуір – Sputnik. Америкада шаштараз иесі Мигель Росас твиттерде қазақстандық боксшы Геннадий Головкинге арналған жұмысының суретін жариялады, деп жазады Sports.kz.
Шаштаразға келген клиенттердің бірі шүйде тұсына Головкиннің суретін салғызған. Шебердің жұмысын GGG промоутері Том Леффлер бағалап, онымен әлеуметтік желіде бөлісті.
Hair cut (стрижка) @GGGBoxing #kazakhstan #ggg #boxing @novaya_gazeta @kazinform_eng @Kazakhstan @BoxingRingKings @HBOboxing @fighthype pic.twitter.com/4yjFaMQnS1
— Miguel Rosas (@newstylebarbers) 15 апреля 2018 г.
Бұл Мигельдің алғашқы жұмысы емес. Росастың аккаунтынан танымал жұлдыздардың шаш қию арқылы салынған портреттерін көптеп кездестіруге болады.
Айта кетсек, Геннадий Головкиннің келесі жекпе-жегі 5 мамырда StubHub Center (Карсон, Калифорния штаты) өтеді деп жоспарлануда. Жерлесіміздің шаршы алаңға кіммен шығатыны әлі белгісіз, алайда қарсылас ретінде америкалық Ванес Мартиросянның есімі жиі аталып жүр.
