22:05 15 Қыркүйек 2019
Тікелей эфир
  • USD386.71
  • EUR429.17
  • RUB6.02
Боксшының қолғабы

Йога, фитнес және бокс. Қазақстандық министрлер қандай спортпен айналысады?

CC0
Спорт
Қысқа сілтеме алу
6601

Кей министрлер коньки теуіп, хоккей ойнаса, енді бірі йогамен айналысып, фитнес-залында уақыт өткізеді

АСТАНА, 7 мамыр — Sputnik. Отан қорғаушылар күніне орай Sputnik Қазақстан үкімет мүшелерінің қандай спорт түрімен айналысатынын анықтады.

Еліміздің бас педагогы — білім және ғылым министрі Ерлан Сағадиев хоккей ойнайды. Білім министрі бұл спорт түріне аптасына екі күн арнайды екен.

Ерлан Сағадиев
© Sputnik / Болат Шайхинов
Ерлан Сағадиев

Денсаулық сақтау министрі Елжан Біртанов кәсіби тұрғыда ешқандай спорт түрімен айналыспаса да, мүмкіндігіне қарай фитнес-орталыққа барып тұратынын айтты. Осы орайда министр мырза қазақстандықтарға салауатты өмір салтын ұстануға кеңес берді.

Елжан Біртанов
© Sputnik / Сергей Ким
Елжан Біртанов

Ал ақпарат және коммуникациялар министрі Дәурен Абаевтың спортқа қызығушылығы жоғары. Қазақстандық шенеунік жүгіреді, жүзеді әрі тартылады. Кейде дене формасын сақтау үшін түскі ас ішуге емес, фитнес-залға барады екен.

Дәурен Абаев
© Sputnik / Болат Шайхинов
Дәурен Абаев

Әділет министрі Марат Бекетаевтың сүйікті спорт түрі маусымға қарай өзгеріп тұрады. Қыста әйелі және балаларымен бірге коньки тепсе, ал жаз мезгілінде жүгіру жолында уақыт өткізіп, денеге күш түсіретін жаттығулар жасайды. Командалық ойындардың ішінде әріптестерімен бірге футбол алаңында доп "қуалағанды" жақсы көреді. Министрдің айтуынша, офистен тыс белсенділік қағаз жұмысынан біраз демалып, бой жазуға мүмкіндік береді.

Марат Бекетаев
© Sputnik / Болат Шайхинов
Марат Бекетаев

Ал Қазақстанның энергетика министрі Қанат Бозымбаевтың сүйікті спорт түріне қатысты жауабы таңғалдырды. Егер жас кезінде министр бокспен шұғылданса, қазір йога, фитнес және тай боксы — муай-таймен дене формасын бірқалыпта сақтап келеді екен. Бозымбаев сүйікті спорт түрлерімен аптасына үш рет екі сағаттан айналысады. Сонымен қатар, халықаралық қазақ күресі федерациясының президенті бос уақыты болып жатса, салт атпен серуендегенді жақсы көреді екен.

Қанат Бозымбаев
© Sputnik / Болат Шайхинов
Қанат Бозымбаев
Кілт сөздер:
йога, фитнес-орталық, бокс, хоккей, үкімет мүшелері, салауатты өмір салты, қазақстандық министрлер, спорт, Ерлан Сағадиев, Елжан Біртанов, Марат Бекетаев, Дәурен Абаев, Қанат Бозымбаев
Загрузка...

Басты тақырып