АСТАНА, 10 маусым — Sputnik. Атақты америкалық рэпер 50 Cent қазақстандық боксшы Геннадий Головкинді тағы да еске алды, деп хабарлады Sports.kz.
"GGG үлкен жекпе-жекке дайын!" — деп қалжыңдады музыкант Головкиннің ескі фотосын желіге жүктей отырып. Онда Геннадий ESPN кеңсесінде америкалық боксшы кіші Флойд Мэйвезердің (50-0, 27 КО) макетін "ұрып" жатыр.
Шындығында қазір қазақстандық боксшы мексикалық Сауль Альвареспен (49-1-2, 34 КО) екінші жекпе-жек өткізуге келіссөз жүргізіп жатыр. Алайда қос боксшы келісе алмаса, 15 қыркүйекте "Канело" америкалық Дэниэл Джейкобспен (34-2, 29 КО) жұдырықтасуы мүмкін. Олай болған жағдайда Головкин WBO чемпионы Билли Джо Сондерспен (26-0, 12 КО) кездесуі немесе басқа қарсылас қарастыруы мүмкін.
Lol GGG Ready for a big fight, 😆 pic.twitter.com/vaM1MkdgOT
— 50cent (@50cent) 8 июня 2018 г.
