16:42 09 Сәуір 2020
Тікелей эфир
  • USD435.54
  • EUR473.08
  • RUB5.76
Спорт
Қысқа сілтеме алу
"Нурмагомедов - Макгрегор" жекпе-жегі (18)
439 0 0

Хабиб Нурмагомедовтың әкесі әрі бапкері спортшыны UFC (Ultimate Fighting Championship) ұйымына қарағанда қатаң жазалауға уәде берді

АСТАНА, 8 қазан — Sputnik. Жеңіл салмақта UFC чемпионы Хабиб Нурмагомедовтың әкесі әрі бапкері Абдулманап Нурмагомедов "Известияға" берген сұхбатында ұлын ирландиялық Конор МакГрегормен жекпе-жектен кейін төбелескені үшін қатаң жазалайтынын хабарлады.  

Абдулманап Нурмагомедов шәкіртінің жекпе-жекті алғашқы раундтарда-ақ аяқтауға мүмкіндігі болғанын атап өтті – Хабиб жекпе-жектің алдын ала әзірленген тактикасын қатаң ұстанған.

Ол МакГрегорды жеңгеннен кейін болған оқиғаға түсініктеме бере келе, бапкер ретінде командадағы өте қатаң тәртіпті әрқашан қолдайтынын және ұлының әрекеті жөнсіз екенін мәлімдеді.  

Үлкен Нурмагомедов өзінің ұлына қарсы санкциясы UFC ұйымының жазасынан да қатаң болатынын айтты. Бапкердің пікірінше, жекпе-жек шебері сегізбұрыштың ішінде не істесе де жарасады, алайда одан шыққаннан кейін қоршаған ортаны ұмытпау керек.   

"Мен тіпті МакГрегорға жұдырық ала жүгірген Тухугов, Абдубакар, Резван, Эседулла Эмирагаевті айыптамаймын, өйткені барлық төбелес төртбұрыштың ішінде өтті. Ал төртбұрыштың сыртындағы төбелеске түбегейлі қарсымын"  — деген Абдулманап Нурмагомедов команданың басшысы ретінде өзіне жауапкершілік алатынын жеткізді.  

Өткен демалыста Лас-Вегаста ресейлік аралас жекпе-жек шебері Хабиб Нурмагомедов пен ирландиялық Конор МакГрегор арасында жекпе-жек өтті. Ресейлік ирландиялықты төртінші раундта тұншықтыру әдісімен жеңіп, жеңіл салмақтағы UFC чемпионы титулын қорғап қалды.  

МакГрегор мен Нурмагомедовтың текетіресі мұнымен біткен жоқ. Жекпе-жек аяқталғаннан кейін спортшылар мен олардың командалары арасында төбелес шықты. Салдарынан  Нурмагомедовтың гонорарын төлеу тоқтатылды, ал титулдың тағдыры не болатыны әзірге белгісіз. Ресейлік чемпиондық белбеуін бірнеше сағаттан кейін ғана алды.

Нурмагомедовтың айтуынша, төбелеске МакГрегордың діні мен еліне, отбасына тіл тигізуі себеп болған. Кейінірек чемпион Невада штатының  Атлетика комиссиясынан кешірім сұрады.  

 UFC басшысы Дэйна Уайт болған оқиғадан қатты көңілі қалғанын атап өтіп, ресейлікті титулынан айыру мәселесі қаралуы мүмкін екенін жоққа шығармады.  


Тақырып:
"Нурмагомедов - Макгрегор" жекпе-жегі (18)

Тақырып бойынша

Головкин Нурмагомедовтің жеңісінен кейін шаршы алаңға "шығып кетті"
UFC Нурмагомедовке Макгрегорды жеңгеннен кейін санкция қолданды
"Белбеуім қайда?". Хабиб жекпе-жектен кейін байбалам салды
Нурмагомедов пен МакГрегордың жекпе-жегі төбелеспен аяқталды - видео
Кілт сөздер:
жекпе-жек, сегізбұрыш, төбелес, UFC, Конор МакГрегор, Хабиб Нурмагомедов
Загрузка...

Басты тақырып