АСТАНА, 3 желтоқсан — Sputnik. Villainfy Media YouTub каналы қазақстандық боксшы Геннадий Головкин мен әлемнің ең танымал баскетболшыларының бірі Шакилл О'Нил кездесуінің видеосын жариялады. Олар Деонтей Уайлдер — Тайсон Фьюри арасында өткен жекпе-жектен кейін кездесті, деп хабарлайды Sports.kz.
Кездесу барысында "Шак" Геннадийді жылы қарсы алып, әңгімелесіп, кейін бірге селфи жасауды сұрады. GGG бұл өтінішті қуана орындады. Арасында журналист Головкиннен жекпе-жекке қатысты ойын білмек болады. Алайда боксшы қолымен бұл сұраққа жауап бергісі келмейтінін көрсетеді.
Естеріңізге сала кетсек, Уайлдер мен Фьюри 2 желтоқсан күні Лос-Анджелес қаласында жұдырықтасып, төрешілер шешімімен жеңіс ешкімге берілмеді. Тайсон осы жекпе-жекте екі рет нокдаунға түсті.
