16 тамызда не болғанын білесіз бе? Бұл күннің несімен есте қалғанын Sputnik дерекқорынан оқыңыз.
16 тамызда қандай қызықты оқиға болды
Бүгін Таңқурай тосабы күні аталып өтеді. Таңғажайып мерекені 2015 жылы Daily-menu.ru ұйымы ойлап тапқан. Олар бұл күнді бекер таңдаған жоқ, себебі ежелгі Русьте көпшіліктің сүйікті жидегі таңқурайға арналған "Малинник" мейрамы тойланған екен.
Жыл сайын 16 тамызда АҚШ-та Ұлттық әуе-десант әскері күні аталып өтеді. Бұл кәсіби мереке АҚШ-тың әуе-десант әскері және 1940 жылы 16 тамызда алғаш рет парашютпен секірген 48 еріктінің құрметіне бекітілген.
Екінші дүниежүзілік соғыс кезінде парашюттерді пайдалану инновациялық әдіс болды. Бұл әдіс антигитлерлік коалиция әскерлеріне майданның шебінен тыс жерге қонуға мүмкіндік берді. Американың әуе-десант әскері тұңғыш рет 1942 жылы қарашада парашютпен жерге түсті. Алғашқы тәжірибенің маңыздылғы мен сәтті жүзеге асқанын ескере отырып, 2001 жылы АҚШ президенті кіші Джордж Буш бұл күнді ұлттық мереке ретінде бекітті. 2009 жылы сенат тиісті резолюция шығарды.
Сонымен қатар бүгін АҚШ-тың Мемфис (Memphis) қаласында әнші, музыкант Элвиса Преслиді (Elvis Presley Day) еске алу күні өтеді. Жыл сайын тамызда рок-н-ролл королінің өнеріне табынушылар Мемфиске Элвис Преслиді еске алу апталығына (Elvis Week) жиналады.
16 тамызда әлемде болған тарихи оқиғалар
- 1930 жылы тұңғыш рет дыбысы бар түрлі-түсті мультфильм дүниеге келді;
- 1960 жылы Кипр республикасы дербес мемлекет болды;
- 1976 жылы "Ирония судьбы, или С легким паром" жаңажылдық фильмінің тұсаукесері өтті;
- 1988 жылы "Аврора" жүрдек пойызы апатқа ұшырап, 31 адам қаза болды.
16 тамызда Қазақстанда болған тарихи оқиғалар
- 1989) Шығыс Қазақстан облысының Қарауыл ауылында "Невада-Семей" қозғалыстың белсенділері ұйымдастырған наразылық шарасы өтті;
- 1999 жылы "Қазпошта" АҚ Бүкіләлемдік пошта одағының EMS кооперативіне қабылданды;
- 2006 жылы Қазақстан, Ресей және Беларусь елдерінің басшылары Кедендік одақты құру келісіміне қол қойды;
- 2013 жылы Серік Сәпиев "Денешынықтыру және спорттың дамуына қосқан үлесі үшін" мемлекеттік марапатын алды.
16 тамызда дүниеге келген танымал тұлғалар
- 1934 жылы француз киноактері Пьер Ришар дүниеге келді;
- 1939 жылы Владимира Высоцкийдің екінші әйелі, актриса Людмила Абрамова дүниеге келді;
- 1958 жылы америкалық поп-жұлдыз, әндердің авторы, актриса, кинорежиссер Мадонна дүниеге келді.
16 тамызда Қазақстанда кім туды
- 1939 жылы Қазақстан дипломатиялық қызметінің еңбек сіңірген қызметкері Қайрат Исағалиев дүниеге келді.
- 1953 жылы мерген, КСРО-ның еңбек сіңірген спорт шебері Александр Асанов дүниеге келді;
- 1959 жылы халықаралық дәрежедегі спорт шебері, байдарка мен каноэ есу жарысынан әлем чемпионы Александр Акунишников дүниеге келді.
Ай күнтізбесі
16 тамызда ай Шаян белгісінде болады. Бұл күні жоғары интуиция кез келген мәселені шешуге көмектеседі. Қызықты адамдармен танысып, жаңа кездесулер болуы мүмкін. Зерттеушілік қызметте жақсы нәтижелерге қол жеткізуге мүмкіндік бар. Философияға немесе тылсым дүниелерге талпыныс байқалады.
