2 қыркүйекте қандай айтулы оқиға болды
2 қыркүйекте Ресейде Екінші дүниежүзілік соғыстың аяқталған күні (1945 жыл) аталып өтеді. Бұл дата 2010 жылдың 23 шілдесінде бекітілген. Нақтырақ айтсақ, бұл күнді жаңа мереке деп айта алмаймыз. Ол 1945 жылы 3 қыркүйекте, яғни Жапонияның капитуляциясынан кейін келесі күні КСРО Жоғарғы кеңесі төралқасының жарлығымен Жапонияны жеңген күн ретінде белгіленген болатын. Бірақ көп жылдар бойы атаулы даталардың ресми күнтізбесінде бұл мереке көрсетілмей келді.
АҚШ пен Канадада бүгін Еңбек күні (Labor Day) аталып өтеді. Америкада Еңбек күні алғаш рет 1882 жылы тойланған. Ал 1894 жылы ол жалпымемлекеттік демалыс күні ретінде бекітілді.
Бұдан бөлек, 2 қыркүйекте Вьетнам мемлекеттік мереке – Тәуелсіздік күнін атап өтеді.
2 қыркүйекте әлемде болған тарихи оқиғалар
1958 жылы Қытай телевизиясы алғаш рет эфирге шықты;
1971 жылы Біріккен Араб Республикасы Мысыр және Сирияға бөлінді;
1996 жылы Украинада жаңа валюта – гривна енгізілді.
2 қыркүйекте Қазақстанда болған тарихи оқиғалар
1938 жылы Алматыны Павлодармен байланыстыратын телеграф желісі жұмысын бастады;
1992 жылы алпыс жылға жуық Карелия жерінде жатқан қазақ ақыны, жазушы, қоғам қайраткері Міржақып Дулатовтың мәйітін Торғай облысының Жангелдин ауданындағы өз атымен аталатын ауылға жерлеу үшін арнайы делегация жолға шықты;
1994 жылы Алматы қаласында әйгілі Райымбеков батыр кесенесінің салтанатты ашылуы өтті.
2 қыркүйекте дүниеге келген танымал тұлғалар
1926 жылы КСРО халық әртісі, ресейлік театр және кино актері Евгений Леонов дүниеге келді;
1935 жылы Ресейдің халық әртісі Валентин Гафт дүниеге келді;
1946 жылы Американың рок-музыка жұлдызы Билли Престон дүниеге келді;
1964 жылы америкалық актер және музыкант Киану Ривз дүниеге келді.
2 қыркүйекте Қазақстанда кім туды
1932 жылы КСРО халық әртісі, Қазақстанның халық қаһарманы, кинорежиссер және театр режиссері Әзірбайжан Мәмбетов дүниеге келді;
1937 жылы опера әншісі (баритон), Қазақстанның халық әртісі, Глинка атындағы Бүкілодақтық вокалистер байқауының лауреаты Мұрат Мұсабаев дүниеге келді.
Ай күнтізбесі
Ай егіздер белгісінде орналасады. Жаңа отбасын құруға қолайлы күн. Шығармашыл және бай адамдар үшін неке сәтті және берік болады. Мерекелік үстелге ерекше назар аударыңыз, ол әртүрлі және ерекше болуы керек.
