09:10 11 Желтоқсан 2018
Тікелей эфир
  • USD369.35
  • EUR421.47
  • RUB5.57
Хайуанаттар бағы

Бүгін әлемде және Қазақстанда қандай мереке: 4 қазан

© Sputnik / Виталий Аньков
Дерекқор
Қысқа сілтеме алу
Бүгін қандай мереке: әр күнге арналған күнтізбе (130)
69 0 0

Бұл Григориан күнтізбесінде 277-ші күн. Жыл соңына дейін 88 күн бар.

4 қазан күні не болғанын білесіз бе?

Бұл күннің несімен есте қалғанын дерекқорынан оқыңыз.

            4 қазанда қандай қызықты оқиға болды

Бүгін әлем халқы Дүниежүзілік жануарларды қорғау күнін тойлайды. 1226 жылы 4 қазанда жануарлардың қорғаушысы саналатын әулие Франциск Ассизский қайтыс болған еді. Франциск атындағы жүлде табиғатты қорғау саласындағы ерен еңбегі үшін беріледі. Жануарларды қорғау күнін мерекелеу туралы шешім 1931 жылы Флоренцияда Халықаралық табиғатты қорғау қозғалысын жақтаушылар конгресінде қабылданған. Әлемнің көптеген елі осы күні жыл сайын жануарлар күнін атап өтуге және түрлі бұқаралық іс-шаралар ұйымдастыруға келісті.

АҚШ-та – Ұлттық арақ күні. Америкада азық-түлік түрлері мен сусындарға арналған мерекелердің жеткілікті екенін ескерсек, бұл мерекеге таңғалуға да бола қоймас. Бүгінде АҚШ-та сатылатын күшті алкогольдің 20-25%-і арақтың үлесіне келеді. "Арақ белдеуі" елдерінде (Ресей, Украина, Беларусь, Прибалтика, солтүстік Еуропа мемлекеттері) ішімдікті, әдетте, ештеңе қосылмаған таза күйінде ішсе, америкалықтар оған мұз немесе тоник қосқанды ұнатады. Тағы бір қызықты америкалық тренд – хош иістендірілген арақ. АҚШ-та мұндай ішімдіктің 100-ден астам түрі шығарылады.

Бүгін ғашықтар үшін өте қызықты мереке – ерлі-зайыптының бір-бірінің көзіне шөп салғанын кешіру. Көзге шөп салудың негізгі себебі – зерігу, не қалайтынын ашық айта алмау.

            4 қазанда әлемде болған тарихи оқиғалар

1675 жылы – қалта сағаты патенттелді;

1812 жылы – Крымда Никитинский ботаникалық бау-бақшасының негізі қаланды;

1916 жылы– Романов-на-Мурмане қаласының негізі қаланды, қазір шаһар  Мурманск деп аталады;

1957 жылы – Жердің алғашқы жасанды серігі ұшырылды.

             Қазақстанда 4 қазанда болған тарихи оқиғалар

1991 жылы –  Гурьев қалалық Халық депутаттары кеңесі облыс орталығының атауын Атырау қаласы деп өзгерту туралы шешім қабылдады;

1994 жылы – Ангола Республикасымен дипломатиялық қарым-қатынас орнату туралы хаттамаға қол қойылды;

1995 жылы – Қазақстан Республикасы 1961 жылғы Сыртқы сауда арбитражы туралы Еуропа конвенциясына қосылды.

            4 қазанда әлемде туған танымал тұлғалар

1847 жылы кеңестік кино әртісі, кинорежиссер, сценарийші, педагог Александра Хохлова дүниеге келді (фильмдері: "Необычайные приключения мистера Веста в стране большевиков", "Великий утешитель" картинасында Дульсидің, ал "Большевики" фильмінде Пелагеяның рөлін сомдады);

1895 жылы Кеңес одағының нөмірі 1 барлаушысы,  1933-1941 жылдарда Жапониядағы кеңестік барлаудың резиденті, Кеңес Одағының батыры Рихард Зорге өмірге келді;

1984 жылы ресейлік және америкалық әнші, "Тату" поп-тобының экс-солисі Елена Катина туды;

            4 қазанда Қазақстанда кімдер туды

1904 жылы ғалым, аудармашы, филология ғылымдарының докторы, профессор Бейсенбай Кенжебаев өмірге келді;

1943 жылы дирижер, сазгер, музыкатанушы, Қазақстанның еңбек сіңірген өнер қайраткері Тимур Мыңбаев дүниеге келді;

1951 жылы ақын, аудармашы, кинодраматург, Қазақстанның еңбек сіңірген мәдениет қызметкері, Көкшетау қаласының құрметті азаматы Бақытжан Қанапиянов туды.

                    Ай күнтізбесі

Ай Арыстан белгісінде орналасады. Бүгін саяхат, ұйқы мен демалыс үшін өте сәтті күн. Сот істері жеңіл әрі сәтті өтеді. Бұл күні өмірге келген сәби бақытты ғұмыр кешеді.

Тақырып:
Бүгін қандай мереке: әр күнге арналған күнтізбе (130)

Тақырып бойынша

Бүгін әлемде және Қазақстанда қандай мереке: 3 қазан
Бүгін әлемде және Қазақстанда қандай мереке: 2 қазан
Бүгін әлемде және Қазақстанда қандай мереке: 1 қазан
Бүгін әлемде және Қазақстанда қандай мереке: 30 қыркүйек
Бүгін әлемде және Қазақстанда қандай мереке: 28 қыркүйек
Бүгін әлемде және Қазақстанда қандай мереке: 27 қыркүйек
Бүгін әлемде және Қазақстанда қандай мереке: 26 қыркүйек
Кілт сөздер:
атаулы күндер, тарихи оқиғалар, мереке күндері, мереке, танымал есімдер
Загрузка...

Басты тақырыптар