13:44 24 Мамыр 2019
Тікелей эфир
  • USD378.01
  • EUR420.88
  • RUB5.84
Әже бата беріп тұр

22 наурызға арналған бата

CC0 / discovery-borovoe.kz
Дерекқор
Қысқа сілтеме алу
312 0 0

Sputnik Қазақстан Ұлыстың ұлы күнінде берілетін бірнеше батаны назарларыңызға ұсынады

Қазақ халқының кез келген мейрамы ақ тілек пен батасыз өтпейді. Наурыз мейрамында Наурыз батасының орны ерекше. Бұл күні жасы кішілер үлкендерге сәлем бере барып, ақсақалдардың батасын алады.

Бата

Ұлысың оң болсын,

Ақ мол болсын,

Қайда барса да жол болсын!

Ұлыс бақты болсын,

Төрт түлік ақты болсын!

Ұлыс береке берсін,

Бәле-жала жерге енсін!

Ұлы халқым тоқ болсын,

Көйлектерің көк болсын!

Қайғы уайым жоқ болсын,

Қуаныштарың көп болсын!

Тағы оқыңыз: Қыдыр ата туралы қызықты деректер

Дәулетті бас берсін,

Бақытты ас берсін,

Ұлыстың ұлы күнінде!

Ұлыс оңға қонсын,

Қызың қырға қонсын!

Қозыға толсын көгенің,

Тұлпар болсын құлының.

Сүтті болсын құдығың,

Өрісті болсын жайлауың,

Ырысты болсын қыстауың!

Арыстандай болсын қайратың,

Аюдай болсын айбатың,

Гүлге толсын өңірің,

Көңілді өтсін өмірің,

Асқа толсын табағың,

Ашық болсын қабағың!

Тағы оқыңыз: 22 наурыз мейрамы туралы не білеміз?

Үй-іші, ауыл-аймақ аман болсын,

Тыныштық баршамызға заман болсын.

Табиғат таусылмайтын ризық беріп,

Тартулы дастарқанға тағам болсын!

Күніміз ұлысты болсын,

Жеріміз ырысты болсын.

Өрісіміз малға бай, дүбірлі болсын,

Халқымыз жанға бай, үбірлі-шүбірлі болсын.

Тағы оқыңыз: Наурыз мейрамында дастарқанға қандай тағамдар қойылады

Ескі жылда есіркесін,

Жаңа жылда жарылқасын!

Саба іркіт пен саумалдан босамасын.

Өре құрт пен ірімшектен босамасын,

Мал ішсіз, келін құрсақсыз болмасын,

Түн ішінде түйе қомдатпасын,

Інгеннен айырып ботасын боздатпасын,

Қараңғыда ит ұлып, сиыр мөңіремесін,

Ата – ұлдан, ана – қыздан айрылып еңіремесін!

Тағы оқыңыз: "Көшеге шығамыз, болды" Министр Наурыз мейрамын тойлауды неге өзгерткісі келеді?

Аспанымыз жауынды болсын,

Жеріміз шөпті болсын,

Малымыз сүтті болсын,

Халқымыз тоқ болсын,

Қайғы-қасірет жоқ болсын!

Тағы оқыңыз: Бата беру дәстүрі қайдан шықты және оны кімдер береді?

Жаңа жыл бақыт жылы болсын,

Малың тоқ,

Уайым-қайғың жоқ болсын.

Көген толы қозы,

Желі толы құлын болсын.

Малың базарлы,

Ұлың назарлы,

Қызың ажарлы болсын!…

Жарылқа, тәңірім, қабыл ет.

Қарық қып құтты Наурыз

Құрдасыңа – қуаныш бол

Уа, жаратқан, жарылқа

Құдайдың өзі сөйтіп оңдасын.

Тағы оқыңыз: Ет асып, табақ тартудың жөн-жосығы: қандай қателік жіберуге болмайды?

Дәулетің зияда болсын,

Дұшпаның қияда болсын,

Аққуларың ұяда болсын, 

Ауыл-аймақ, 

Бота, тайлақ,

Үй-жамағат –

Бәрі түгел аман болсын, 

Кейінгіге береке берсін!

Алғанда аз да болса көптей көр, 

Бергенде көлдей бол. 

Жарылқасын құдайым,

Тартпасын халық уайым. 

Бай қылсын, 

Төрт түлікті сай қылсын,

Кетпес дәулет берсін,

Отауыңа сәулет берсін.

Ұлыс күні қазан толса, 

Осы жыл ақ мол болар!

Тағы оқыңыз: Сырға салу туралы не білеміз?

Әумин! – бата берейін,

Жақсылықты терейін.

Жаңа жылда жараңдар

Үстем болсын мерейің!

Жақсылыққа бас болып,

Ауылымызда ас болып,

Келген Наурыз құт болсын!

Жүгінелік ақылға,

Араздыққа жол беріп,

Отырмайық тақырға.

Жермен бірге жаңарып,

Көңілде кір қалмасын!

Сырттағы жау жаланып,

Жағаға қол салмасын!

Есіктен кірген емініп,

Төр менікі демесін.

Еңістен келген тебініп,

Өр менікі демесін!

Наурызбенен жаңарсын

Тәніміз бен жанымыз

Жақсы негіз қалансын

Жарасып ән сәніміз!

Тағы оқыңыз: Сәлем салу: ескіліктің сарқыншағы ма, жоқ әлде әдептілік белгісі ме?

Ниеттерің ақ болсын,

Наурыздың ақша қарындай!

Бастарыңа бақ қонсын,

Шашыңның барлық талындай!

Санасы өсіп адамның,

Көңілде кір қалмасын.

Құты қашып жаманның,

Жақсы тапсын жалғасын!

Тыныш болсын даламыз,

Түгел болсын нуымыз!

Таза болсын ауамыз,

Тұнық болсын суымыз!

Қатыгездік жоқ болсын,

Оралмасын кез өгей.

Кірісіміз көп болсын,

Бүгінгі Наурыз көжедей!

Тағы оқыңыз: Баланы қырқынан шығару дәстүрі туралы не білеміз?

Мұзафар Әлімбаевтың батасы

Қарық қып құтты Наурыз,

Қазанға толсын сары уыз.

Қайнасын Наурыз көже де,

Толтырып ішкей кесеңе.

Ұлыстың ұлы күнінде,

Көппенен бірге күлімде.

Көбейсін жаңа достарың,

Молайсын елге қосқаның.

Жарасып көңіл хоштығы,

Бекісін халық достығы.

Ішінде жүрсе аз ғана,

Шайылсын өкпе, наз-нала.

Алдыға сыймай сәбилер,

Құшағын жайсын жаңа үйлер.

Жастардың самсап отауы,

Мейірім төксін Отаны.

Әспеттеп ата дәстүрін,

Әсем боп өссін жас буын.

Кірбің тартпасын кәрілер,

Барыңның дәмді нәрін бер!

Дүрлеген Қазақстанға

Таңғалсын дос та, дұшпан да!

Кілт сөздер:
мейрам, бата, 22 наурыз
Загрузка...

Басты тақырып