Театр тарихы
Соғыс жылдары театр көрерменінің саны күрт өсіп, бір жарым есеге артқан. Соғыстан кейінгі кезең мен тың игеру кезінде де театрдың жұмысы жандана түсті.
Театр репертуарындағы туындылар
Театр өз көрермендерін "Ходят слухи", "Сирена и Виктория", "Примадонны", "Неугомонный дух" сынды заманауи пьесалармен қатар, классикалық драматургиямен де қуантады. Олардың қатарында "Леди Макбет Мценского уезда", "Учитель танцев", "Дядюшкин сон", "Панночка", "Женитьба Фигаро", "Женитьба Бальзаминова" қойылымдары бар. Өнер ошағының ұжымы классиканы қазіргі кезге батыл беймдеумен ерекшеленеді. Мәселен, "Двенадцатая ночь, или что угодно" спектаклі жаңаша көзқараспен қойылды.
Театр ұжымы Астана, Челябі, Пермь, Алматы, Қарағанды және өзге де қаладағы көрермен қошеметіне бөленген.
Театрдың шығармашылық ұжымы
Театр ТМД елдерінің режиссерлерімен тығыз байланыс орнатқан. Түрлі фестивальдерге белсене қатысады. Бірқатар грамота және дипломдармен марапатталған.
Өнер ордасының жүлделері мен марапаттары
Өнер ордасы әртістерінің кәсіби шеберлігі республикалық, халықаралық фестивальдерде оң бағаға ие болған. 1995 жылы Абайдың 150 жылдығына арналған IV республикалық театр байқауында "Абай" спектаклі І орынды иеленді. 1999 жылы А. Дударевтің "Сумерки" спектаклі Қарағандыдағы VII театр фестивалінде І орынға лайық деп табылды.
2009 жылы Т. Әбдіктің "Нас было трое" спектаклі Қарағандыда өткен XVII театр фестивалінде "Заманауи қазақ драматургиясын табысты меңгергені үшін" дипломымен марапатталды.
Театр талай мәрте Ресейдегі "CHELoВЕК ТЕАТРА" халықаралық театр фестивалінің лауреаты атанады. 2016 жылы "Достық көпірі" халықаралық фестиваліне қатысты (Йошкар-Ола, РФ, Марий Эл республикасы). Оның қорытындысы бойынша театр екі аталымда дипломмен марапатталды.
2015 және 2017 жылдары театр ұжымы гастрольдік сапармен Израильде болды. Нәтижесінде "Театральный дивертисмент" фестивалінің лауреаты дипломын иеленді. Израильдің театр фестиваліне тұрақты шақырту алды.