Дерекқор

Бүгін әлемде және Қазақстанда қандай мереке: 21 мамыр

© Sputnik / Владислав Воднев21 мамыр - күнтізбе
21 мамыр - күнтізбе - Sputnik Қазақстан
Жазылу
Бұл – Григориан күнтізбесіндегі 141-ші күн. Жыл соңына дейін 224 күн бар

21 мамырда не болғанын білесіз бе?

Бұл күннің несімен есте қалғанын Sputnik Қазақстан дерекқорынан оқыңыз.

21 мамырда қандай қызықты оқиға болды

Бүгін – дүниежүзілік қарым-қатынас пен даму жолындағы мәдени әралуандылық күні. 2011 жылы ЮНЕСКО мәдени әралуандылық жөніндегі баршаға ортақ декларация қабылдады. Ал 2012 жылы БҰҰ бас ассамблеясы дүниежүзілік қарым-қатынас пен даму жолындағы мәдени әралуандылық күнін жариялады. Бұл мерекенің басты мақсаты – адамдарға өз елінің ғана емес, өзге де халықтың ұлттық мәдениеті әр алуан екенін түсінуге мүмкіндік беру.

21 мамыр – Қазақстанда мәдениет және өнер қызметкерлерінің күні. Мәдениет және өнер қызметкерлерінің күні 1998 жылы бекітіліп, бастапқыда қыркүйектің соңғы жексенбісінде тойланып жүрді. Алайда 2013 жылы Қазақстан президентінің жарлығымен бұл мереке 21 мамырға ауыстырылды.

Бүгін – халықаралық ғарыш күні. Бұл мерекені 1998 жылы 21 мамырда АҚШ ғарышкері Эндрю Томас ғарыштағы "Мир" станциясында атап өтуді ұсынды.

21 мамырда әлемде болған тарихи оқиғалар

1904 жылы Парижде халықаралық футбол федерациясы – FIFA құрылды;

1851 жылы Австралияда алғаш рет алтын табылды;

1945 жылы Сирия мен Ливан Франциядан тәуелсіздігін алды;

1956 жылы АҚШ Тынық мұхитындағы Бикини атоллосында алғаш рет сутек бомбасын сынақтан өткізді.

21 мамырда Қазақстанда болған тарихи оқиғалар

1940 жылы Қаныш Сәтпаев атындағы геологиялық зерттеулер институты құрылды;

1999 жылы Батыс Қазақстаннан Қара теңіз жағалауына дейін "Каспий" мұнай құбыры тартыла бастады;

2008 жылы Қазақстанда ұлттық аэроғарыш қауымдастығы құрылды;

2013 жылы Қазақстан президенті Нұрсұлтан Назарбаев "Дербес деректер және оларды қорғау туралы" заңға қол қойды;

2014 жылы Қазақстан астанасындағы Тәуелсіздік сарайында VII Астана экономикалық форумы өз жұмысын бастады.

21 мамырда дүниеге келген танымал тұлғалар

1894 жылы Кеңес одағының композиторы Арсений Гладковский дүниеге келді. Ол алғаш рет "Қызыл Петроград үшін немесе 1919" кеңестік операсын жазды әрі "Том Сойер" балетін сахналады;

1949 жылы ресейлік әртіс Любовь Полищук дүниеге келді. Ол "12 стульев", "Интердевочка", "Ширли-мырли" фильмдері арқылы көпшілікке танылды;

1968 жылы мәнерлеп сырғанаудан 5 дүркін КСРО чемпионы, Ресейдің еңбек сіңірген жаттықтырушысы Елена Водорезова дүниеге келді;

1955 жылы Ресей Федерациясының қорғаныс министрі, мемлекет және әскери қайраткері Сергей Шойгу дүниеге келді;

1987 жылы ресейлік "ВИА Гра" тобының бұрынғы мүшесі, Queens тобының солисі Санта Димопулос дүниеге келді.

21 мамырда Қазақстанда кім туды

1918 жылы композитор, Қазақ КСР халық әртісі, Қазақ КСР еңбек сіңірген өнер қайраткері, ұйғыр кәсіби музыкасының негізін қалаушы Құддыс Қожамияров дүниеге келді;

1946 жылы жазушы, драматург, дүниежүзі қазақтары қауымдастығы төрағасының орынбасары, Қазақстанның еңбек сіңірген қайраткері Сұлтанәлі Балғабаев дүниеге келді;

1954 жылы Қазақстанның халық ақыны Қонысбай Әбіл дүниеге келді;

1958 жылы Қазақстанның Грекиядағы төтенше және өкілетті елшісі Алексей Волков дүниеге келді;

1967 жылы Қазақстан президенті іс басқарушысының бірінші орынбасары, Қазақстанның тұңғыш президенті – Елбасы Нұрсұлтан Назарбаевтың көмекшісі Абай Бисембаев дүниеге келді;

1970 жылы Қазақстанның ұлттық банк төрағасы Ерболат Досаев дүниеге келді.

Жаңалықтар
0