ТАҚЫРЫПТАР

5 мамырда қазақстандық боксшы Геннадий Головкин мен Сауль Альварестің реваншы өтуі тиіс болатын. Бірақ "Канело" допингпен ұсталып, ақыр соңында ол жекпе-жектен бас тартты. Енді белгіленген күнге бір айдан аз уақыт қалса да, Альварестің орнына Головкиннің қарсыласы кім болары әлі белгісіз. Басты кандидаттар ретінде украиналық боксшы Сергей Деревянченко мен ирландиялық Гэри О'Салливан қарастырылып жатыр.

Кемероводағы "Зимняя вишня" сауда және ойын сауық орталығында жексенбі күні кешке басталған өрт 60-тан астам адамның өмірін қиды. Өрт балалар ойын залы мен кинозалдар орналасқан жоғарғы қабаттан бастап тараған. Адамдар ғимараттан шыға алмай, түтінге тұншығып қалған.

БАҚ-та жарияланған мәлімет бойынша, Сарыағаш ауданы Абай ауылында бірінші сыныпта оқитын оқушыны өзінен 7-8 жас үлкен 4 оқушы 5 ай бойы зорлап келген көрінеді. Қазір жеті жасар бала мен анасы Астанада. Қоғамның наразылығын тудырған оқиғаға қатысты қарама-қайшы деректер көп болғандықтан, сараптама жасалып, болған істің мән-жайы анықталмақ.

11 ақпанда Домодедоводан ұшып шыққан "Саратовские авиалинии" компаниясының Ан-148 ұшағы Ор қаласына бет алған еді, алайда екі минут өтер-өтпесте апатқа ұшыраған. Бортта 65 жолаушы мен алты экипаж мүшесі болған. Бәрі қаза тапты. 

Қысқы Олимпиада ойындары 2018 жылы 9-25 ақпан аралығында Оңтүстік Кореядағы Пхенчхан қаласында өтеді. Оған әлемнің сексен елінен 5000 спортшы мен ресми өкіл қатыспақ. 

Қазақстан құрамасының 57 олимпиадалық жолдамасы бар: биатлоннан – 10, фристайлдан – 9, мәнерлеп сырғанаудан – 3, шорт-тректен – 7, шаңғы жарысынан – 7, конькиден – 6, тау шаңғысынан – 2, шана спорты мен трамплиннен – 2.

Бейсенбі 18 қаңтарда сағат 10.30 кезінде Ақтөбе облысы Ырғыз ауданындағы Қалыбай ауылынан он шақырым жерде Самара-Шымкент жолында жолаушылар автобусы өртеніп кетті. Автобуста 57 адам болған. Оқиға орнында 52 адам қаза тапты, олардың барлығы Өзбекстан азаматтары. 

Нұрсұлтан Назарбаев 2018 жылдың 16-18 қаңтарында Америка Құрама Штаттарында ресми сапармен болады. Қазақстанның мемлекет басшысы АҚШ президенті Дональд Трамппен кездесіп, БҰҰ Қауіпсіздік Кеңесінің отырысына қатысады. Сонымен бірге, ресми және іскерлік қауымдастық өкілдерімен кездесу өткізеді.

Астанада бүгін таңертеңнен бастап ақтүтек боран соғып, қала сыртына шығатын жолдар жабылып қалды. Нұрсұлтан Назарбаев әуежайынан аттандырылатын рейстер де тоқтатылды. Мектеп оқушылары мен колледж студенттеріне сабақ болмайтын болды. Қала билігі тұрғындар мен қонақтарға үйден мүмкіндігінше шықпауға кеңес берді.

Елбасының 2018 жылғы жолдауы "Төртінші өнеркәсіптік революция жағдайындағы дамудың жаңа мүмкіндіктері" деп аталады.

25 желтоқсанда Қазақстан Республикасы президенті Нұрсұлтан Назарбаев жыл қорытындысы бойынша отандық бұқаралық ақпарат құралдарының өкілдерімен кездесті. Кездесу барысында Елбасы көптеген маңызды сұраққа жауап беріп, елдегі өзекті мәселелер туралы сөз қозғады

Әлеуметтік желіде танымал әнші Төреғали Төреәлінің өз концертінде ерсі қылық көрсеткен видео тарады. Видеодан әншінің концертіне келген көрерменінің бірімен дөрекі сөйлесіп, соңында "Ұнамай ма? Шығып кетіңіз!" деп айтқанын көруге болады. Желі қолданушылары Төреғалидің бұл оғаш қылығына наразы болып, ел баласына тән емес мінез көрсеткен әншіні сөгіп жатыр. 

Жаңа 2018 жылды атап өту несімен есте қалады

"АрселорМиттал Теміртау" АҚ көмір департаменті төрт шахтасының 200-ге жуық жұмысшысы 11 желтоқсанда жұмыс ауысымы аяқталған соң кенжардан шықпай қойған. Жұмысшылармен келіссөз жүргізу үшін компания өкілдері келді. Шахтерлер бірқатар талап қойған, оның ішінде жалақыны көтеру және зейнет жасын төмендету бар. 

24 қарашада Мысырдағы мешіттердің бірінде теракт болды. Содырлар жұма намазы кезінде бомбаны жарып жіберген, қашып құтылғысы келген адамдарды сырттағы екінші топ атып тастаған. Соңғы мәлімет бойынша қаза тапқандар саны 305 адамға жетті, олардың арасында 27 бала бар. Тағы 128 адам жарақат алды.  

Ұлттық банк 22 қарашада жаңа дизайнмен 500 теңгелік банкноттарды шығарды. Қағаз ақшаның бір жағында Қазақстан картасы мен Каспий теңізі, шағалалар бейнеленген. Желі қолданушылары шағаланы Уикипедиядан алынған деп сын айтуда. Ал, бас банк суретші натурамен жұмыс істеді, натура ретінде фотосурет интернеттен алынуы мүмкін дегенді алға тартады.

Алматы орталығында арнайы қызметтер кешкісін операция жүргізді. Оқиға орнына атыс туралы хабар шыққан соң келіп жеткен тілшілер терезесі сынып, дөңгелегі жарылған көлікті көрген. Қасында автомат пен граната жатқан. Полиция келесі күні таңертең хабарлағандай, Оңтүстік Қазақстанның 48 және 23 жастағы екі тұрғыны қару-жарақпен ұсталыпты.

Осы күндері Челябинскіде Ресей мен Қазақстанның XIV өңіраралық ынтымақтастық форумы өтіп жатыр. Биылғы форумның басты тақырыбы – адам капиталының дамуы.

Форумда екі елдің мемлекет басшылары Нұрсұлтан Назарбаев пен Владимир Путин кездесіп, күн тәртібіндегі өзекті мәселелерді талқылады. Сонымен бірге форум аясында РФ мен ҚР арасындағы дипломатиялық қарым-қатынастардың 25 жылдығына орай бірлескен мәлімдемеге қол қойылмақ.

Елбасы Нұрсұлтан Назарбаев 2017 жылдың соңына дейін латын қарпіндегі қазақ әліпбиінің жобасын әзірлеуді ұсынып, үкіметке қазақ тілін латын әліпбиіне көшірудің нақты кестесін жасауды тапсырды. Ал 2018 жылдан бастап жаңа әліпбиді үйрететін мамандарды және орта мектептерге арналған оқулықтарды дайындауға кірісуіміз қажет. Осылайша алдағы 2 жылда ұйымдастыру және әдістемелік жұмыстар жүргізіледі.

"КазСтройСтекло" зауытының басшысы Мұратхан Тоқмади 12 маусым Алматыда арнайы операция кезінде "ірі көлемдегі мүлікті иелену мақсатымен бопсалады" деген күдікпен ұсталды. Ресми мәлімет бойынша, Тоқмади 2005 жылы аты-жөні анықталмаған адамдармен сөз байласып, "Семрюжком" мен "КазСтройСтекло" компанияларының құрылтайшысына күш көрсету арқылы бопса жасап, аталған кәсіпорындардағы жарғылық капиталының үлесін иеленген. Мұратхан Тоқмади тергеумен кінәсін мойындау туралы келісімге келген. Сот шешімімен кәсіпкер үш жылға сотталды.

2016 жылы 28 желтоқсанда ҚР Ұлттық экономика министрі болып Қуандық Бишімбаевтің орнына Тимур Сүйлейменов тағайындалды. Кейінірек Президент Бишімбаевқа қатысты іс қозғалғанын хабарлады.  10 қаңтарда экс-министр пара алу кезінде ұсталып, 13 қаңтарда тұтқындалды.