23:54 24 Наурыз 2017
Тікелей эфир
Бейне

Талғарда сатушы әйел тонаушыға тойтарыс берді

Қысқа сілтеме алу
39901
YouTube

Нәзік жанды әйелдің қайтпас қайсарлығын көрсететін бейнежазба әлеуметтік желіде таралып кетті. Алматы облысы Талғар қаласындағы супермаркеттердің бірінде орнатылған бейнекамераға қарулы ер адамнан тайсалмаған өжет сатушының әрекеті түсіп қалыпты

Бейнежазбадан көргеніңіздей, ер адам кассаға жетіп келіп, аңшы қаруын сатушы әйелге кезенеді. Алайда, әйел адам бір сәтке ойланбастан, қылмыскерге тап берген. Сатушыға көмекке дүкеннің тағы бір қызметкері мен бөтен ер адам келеді. Сөйтіп, қарақшының қолынан қаруды тартып алады.

Алматы ІІД растағандай, оқиға кеше кешкісін болыпты.

"1994 жылы туған ер адам ұсталып, қамауға алынды. Оның қаруы тәркіленді. Оқиға бойынша 192-бапқа сәйкес қылмыстық өндіріс қозғалды", — деп ақпарат берді Алматы облысы ІІД баспасөз қызметі.

Басты тақырыптар