Видеода Эбби Хомер өзін қазақ тілінде таныстырады. Есімін қазақшалап Әби дейді. Айтуынша елімізде екі рет болған. Қазір қазақ тілі бойынша курста оқиды екен. Ол Қазақстанды өте жақсы көретінін айта келе, таяуда қазақстандықтарға арналған ағылшын тіліндегі семинарға қатысатынын жеткізеді.
"Басқа адамдардың алдында шетел тілінде сөйлеу үшін батылдық керек. Ағылшынша әңгіме айтатын қазақстандықтарды құрметтеймін. Сондықтан қазір мен қазақша әңгіме айтып отырмын", — деген қыз әрі қарай өзі туралы қазақтың бай тілінде суреттеп айтып береді.
