Кісі өлтіргені үшін сотталған аса қауіпті қылмыскер 17 маусымда түрмеден қашып кетті.
Бірнеше сағат өткенде құқық қорғау органдары қызметкерлері оны Степногор қаласының шағын аудандарының бірінен ұстапты.
Арнайы операция кезінде қашқын автотұрақ күзетшісін тұтқынға алған. Кейінірек полиция хабарлағандай, полиция қолданған шаралар нәтижесінде тұтқын босатылып, операция барысында ешкім зардап шеккен жоқ.
Қылмыскердің қалай қашқаны анықталып жатыр. Аталған дерек бойынша қызметтік тексеру жүргізілуде.
