АСТАНА, 16 мамыр — Sputnik. Америкалық ғалымдар Жердегі ең ластанған географиялық мекенді анықтады: ол Тынық мұхитындағы Хендерсон аралы болып шықты.
АҚШ Ұлттық ғылым академиясының баяндамасына сүйенсек, небәрі 4,3 гектар аумақты алып жатқан аралдың ластану тығыздығы 1 шаршы метрге 671 затты құрайды. Ал аралдағы қоқыстың жалпы саны 37,7 миллионнан асатын көрінеді.
Қоқыстар мен қалдық заттар арал жағалауына күн сайын ағып келіп жатады. Бұған экологияға қауіп төндіріп отырған пластик затының кең қолданысқа ие болуы себеп болып отыр.