АСТАНА, 22 шілде – Sputnik. Ауғанстанда АҚШ әскери ұшақтары әскерилер мен жергілікті полиция жұмыс істеп жатқан лагерге шабуыл жасады.
Ассошиэйтед Пресске сілтеме жасап РИА Новости хабарлағандай, он екі полиция қызметкері қаза тауып, екеуі жараланды. Әуе шабуылының қателесіп жасалғандығы атап өтілген.
Арты қайғылы оқиғаға алып келген ағаттық Гильменд провинциясында НАТО-ның "Шешімді қолдау" операциясы кезінде болған. Операцияны Ауғанстан қауіпсіздік күштері АҚШ қолдауымен жүргізді.
Бір апта бұрын қателесіп жасалған әуе шабуылының салдарынан Құндыз қаласында үш бала зардап шеккен еді. Ол кезде мектеп пен үй қирап қалған.
