АСТАНА, 2 қазан — Sputnik. Каталонияның Испаниядан тәуелсіздік алуына байланысты ұйымдастырылған референдум барысында 90% дауыс берушілер қолдау көрсетті, деп хабарлайды Каталония женералитетінің ресми өкілі Жорди Турул.
"Дауыс беруге барлығы 2,3 миллион адам қатысты", — деп Турул мәлімдемесіне РИА Новости сілтеме жасайды. Ал, дауыс беру процесіне барлығы 5,3 миллион адам қатысуы мүмкін еді.
"Дауыс берушілердің тоқсан пайызы Каталонияның тәуелсіздік алуына қатысты "иә" деп жауап берді", — деп атап өтті Турул.
Женералитет өкілінің хабарлауынша, қарсы болғандар — 7,8%, бос бюллетендер — 2% және жарамсыз болған бюллетендер – 0,89% болды.
Каталония парламенті бір жақты шешімнің негізінде тәуелсіздікті жариялау туралы шешім қабылдайды.
1 қазан, жексенбі күні сағат 9.00 Испания үкіметін мойындамайтын Каталонияда тәуелсіздік туралы референдум басталды. Дауыс беру кезінде полициямен арада бірнеше қақтығысулар болды. Құқық қорғау органдары өкілдері тарапынан – 33 адам, тұрғындар тарапынан – 844 адам зардап шекті.