АСТАНА, 12 қараша – Sputnik. Жапония полициясы 82 жастағы зейнеткерді мысық өлтірді деп күдіктеніп отыр, деп хабарлайды РИА Новости.
Оқиға Кумамото префектурасында болды.
БАҚ-тың ақпаратынша, әйелдің мәйітін қызы тауып алған. Зейнеткердің бет-аузы 20 рет тілгіленген, кейбір жарасы терең болыпты.
"Оны тауып алғанымызда, бет-аузы қан-жоса еді. Не болғанын білмейміз», —дейді марқұмның қызы.
Полиция адам өліміне қатысты тергеу жұмыстарын бастады. Құқық қорғаушылар зейнеткердің үйіне ешкім кіріп-шықпағанын айтады.
Кейінірек полиция әйелдің бетіндегі жара мысықтың тырнақ ізіне ұқсайтынына назар аударды.
Жергілікті БАҚ-тың мәліметінше, полиция тырнақтарында болжам бойынша адам қаны бар мысықты тапқан. Қан үлгісі сараптамаға жіберілді, нәтижесі әзірге хабарланбай отыр.
