АСТАНА, 13 қараша – Sputnik. Америка психикалық ауытқушылығы бар адамдарды әскер қатарына алуға рұқсат етті, деп жазды РИА Новости USA Today басылымына сілтеме жасап.
Енді АҚШ армиясында нашақорлық пен маскүнемдікке салынған, биполярлы аффективті бұзылыс пен күйзеліске ұшыраған, өзіне-өзі зиян тигізген (қасақана денесін жарақаттау) адамдар қызмет ете алады.
Басылымның ақпаратынша, мұндай шешім АҚШ әскерін 2018 жылдың қыркүйегіне қарай 80 мың сарбазбен толықтыру жоспарымен байланысты. Себебі АҚШ президенті Дональд Трамп террористік ұйымдармен күресті күшейтпекші.
2009 жылы АҚШ-та өзіне-өзі қол жұмсау оқиғалары жиілегеннен кейін, психикалық ауытқушылығы бар адамдарға әскерде қызмет етуге тыйым салынған болатын.
