Әлем

Қытайда мейрамханаларға иттің етін сатқан ер адам ұсталды

© Photo : Engin AkyurtИт
Ит - Sputnik Қазақстан
Жазылу
Қылмыскердің үйінен боршаланған бірнеше иттің еті мен 21 тірі ит табылды

АСТАНА, 21 қаңтар — Sputnik. Қытайдың оңтүстігіндегі Гуандун провинциясында құқық қорғау органдары иттерді ұрлап әкетіп, оның етін мейрамханаларға сатқаны үшін ер адамды ұстады, деп хабарлайды РИА Новости "Наньфан душибао" басылымына сілтеме жасап

Ит - Sputnik Қазақстан
Өңірлер
Атырауда балалардың көз алдында бұралқы итті атып тастаған
Тергеу интернетте жарияланған видеожазбадан кейін басталған. Онда мотоцикл мінген ер адам қашып бара жатқан итті атып құлатып, қапқа салып алып кеткені көрініс тапқан.     

Тергеу басталып, іздеу жарияланғаннан кейін үш күннен соң ер адам Хуэйчжоу қаласындағы үйлердің бірінен ұсталды. Оның үйінен екі арбалат және 130-ға тарта оқ табылды.  

Сонымен қатар, полиция қызметкерлері боршаланған бірнеше иттің еті мен 21 тірі итті тапты.  

Кейінірек ер адам күн сайын 40-қа дейін ит өлтіріп, етін жақын маңдағы мейрамханаларға сатып отырғаны анықталды.  

Ұсталған адамға қатысты қылмыстық іс қозғалды.   


Жаңалықтар
0