05:06 22 Тамыз 2018
Тікелей эфир
  • USD360.71
  • EUR411.53
  • RUB5.38
көз

Дәрігерлер әйелдің көзінен 14 құрт алып шықты

CC0 / AdinaVoicu
Әлемде
Қысқа сілтеме алу
620 0 0

Әдетте ит, мысық пен ірі қала малда блатын гельминт адам ағзасында тіршілік еткен

АСТАНА, 13 ақпан — Sputnik. Ғалымдар жануарларда ғана болатын Thelazia gulosa (гельминттің бір түрі) құртының адамдардың ағзасында тіршілік ете алатынын анықтады. Бұл жаңалық туралы РИА Новости хабарлайды. 

Мақалада 26 жастағы америкалық қыз Эбби Беклидің басынан кешкен оқиғасы баяндалады. Ол 2016 жылы балық аулап жатқан кезде көзінен ұзындығы 1,3 сантиметр болатын құрт алып шыққан. Көзі қызарып, басы ауыра берген соң бір аптадан кейін әйел ауруханаға барады. 20 күн ішінде дәрігерлер көзінің ішінен 14 құрт алып шығады. 

Ғалымдардың айтуынша, мұндай құрттарды көздің ішінен тезірек алып шықпаса, көздің ішкі қабығы зақымдалып, адам соқыр болып қалуы мүмкін. Бірақ Эбби Бекли дәрігерлер құрттарды алып шыққасын бірден өзін жақсы сезінген, оның көзіне ешқандай зақым келмеген. 

Мамандар бұл паразиттер әйелдің көзіне Musca autumnalis шыбындары арқылы түсуі мүмкін екенін айтады. 

 

Кілт сөздер:
паразит, құрт, көз, ғалымдар, АҚШ

Басты тақырыптар