АСТАНА, 14 сәуір — Sputnik. Ресей президенті Владимир Путин Сирияға зымыранмен жасалған соққыдан кейін мәлімдеме жасады.
"14 сәуір күні АҚШ одақтастарымен (Ұлыбритания, Франция) бірігіп Сирия Араб Республикасының қарулы күштері мен азаматтық инфрақұрыым нысандарына зымыранмен соққы жасады. Бұл егеменді мемлекетке қарсы жасалған агрессия акті", — деп келтірді Путиннің сөзін Кремльдің баспасөз қызметі.
Президент Ресей Сирияға жасалған шабуылды қатаң айыптайтынын мәлімдеді.
"АҚШ осы әрекеті арқылы Сириядағы гуманитарлық катастрофаны одан әрі ушықтырып, бейбіт халыққа азап шектіріп жатыр. Былайша айтқанда, жеті жыл бойы Сирия халқын қинап жатқан террористердің ісін құптап, босқындардың жаңа толқынын тудыруда", — деп мәлімдеді Ресей басшысы.
Путиннің айтуынша, Ресей АҚШ пен оның одақтастарының агрессиялық әрекетін талқылау үшін БҰҰ қауіпсіздік кеңесінің шұғыл кеңесін шақырады.
