АСТАНА, 22 тамыз — Sputnik. Сирек кездесетін малай аюы әкесімен күріш егуге барған 15 жасар балаға шабуыл жасамақ болды.
Малайзияның Сабах штатындағы Тонгод қаласына жақын жердегі ауылдардың бірінде Қызыл кітапқа енген, сирек кездесетін аю ауыл шаруашылығымен айналысып жүрген жасөспірімге шабуыл жасамақ болды, деп хабарлайды New Straits Times.
15 жасар ер бала ағасы және әкесімен күріш алқабында жүреді. Аюдың шабуыл жасағалы жатқанын көрген ер адам аңды ағаш таяқпен ұрады.
Ішімдік қоймасына кіріп алған аю шыға алмай қор болды — видео
Содан кейін әкесі ұлдарымен қаша бергенде, отағасы – 58 жастағы Джексон Йонгкидің аяғы батпаққа батып қалған екен. Сол кезде аю оны аяғынан тістеп, бұта арасына қашып кетеді.
Аурухананың берген мәліметінше, ер адам ауыр зардап шекпеген, жарақатын таңып, үйіне қайтарыпты.
Қазір жергілікті билік жыртқыш аңды тауып, жергілікті тұрғындарға қайта шабуылдамауы үшін шара қолданбақ.
