14:48 14 Желтоқсан 2018
Тікелей эфир
  • USD370.04
  • EUR420.99
  • RUB5.58
Сиыр

Жаңа туған екі тұмсықты құбыжық бұзау иесін есеңгіретіп қойды – видео

© Sputnik / Алексей Мальгавко
Әлемде
Қысқа сілтеме алу
4923 0 0

Бұзаудың екі тұмсығы, екі аузы және төрт көзі бар, дегенмен бас сүйегі біреу ғана

АСТАНА, 29 қараша — Sputnik. Үндістанда екі тұмсығы бар мутант-бұзау өмірге келді. Ерекше жануар жайлы видео "Daily Mail" басылымының назарын аударды.  

Бұзау бір ай бұрын Үндістанның оңтүстігіндегі Тамилнад штатының   Тируккойилур қаласында туған. Оның иесі, сүт сатушы Касирувал (Kathiruval) мутантты көргенде қатты таңғалған. 

"Біз есеңгіреп қалдық. Бұған дейін сиырларымның бірде-біреуі екі басты бұзау туған емес", — дейді ол. 

Бұзаудың екі тұмсығы, екі аузы және төрт көзі бар, дегенмен бас сүйегі біреу және құлағы бір ғана жұп, деп жазды Мир Новостей.  

Касирувалдың айтуынша, қала тұрғындары, соның ішінде мал дәрігерлері бұзаудың бірнеше сағаттан артық өмір сүретініне сенбеген. Алайда бір айдан астам уақыт өтсе де, жануардың жағдайы жақсы. Жергілікті тұрғындар мутантты көруге күнде келеді. Олардың біреуі бұзауға "Құдайдың ғажайыбы" деп ат қойыпты. 

Бұзаудың мутацияға ұшырауы полицефалия деп аталады. Ол бауырымен жорғалаушыларда, сүтқоректілерде және кейде адамдарда кездеседі. Егер жатырдағы екі эмбрион толық бөлінбесе, ек ми дамиды, бірақ тыныс алу және асқорыту жүйесі ортақ, сондай-ақ екеуге бір дене болады. Әдетте, мутанттар туғаннан кейін көп ұзамай өледі, бірақ ерекше жағдайлар болып жатады.


Тақырып бойынша

Индонезияда екі аяқты бұзау адам сияқты жүруді үйренді – видео
Теңіз жағалауынан сабалақ жүнді "құбыжық" табылды - видео
Кілт сөздер:
фермер, мутант, бұзау, Үндістан
Загрузка...

Басты тақырыптар