АСТАНА, 24 қаңтар — Sputnik. Венесуэладағы жаппай наразылық акциялары өршіп барады. Оппозиция жетекшісі Хуан Гуайдо өзін мемлекет басшысының міндетін атқарушы деп жариялады, қазіргі президент Николас Мадуроның жақтастары мен қарсыластары наразылық акциясына шықты. Қақтығыстар салдарынан кемінде 16 адам қаза тапты.
Неліктен Венесуэлада тәртіпсіздіктер басталды
Мыңдаған адам көшеге шықты. Олардың бір бөлігі қазіргі президент Николас Мадуроға қолдау білдірсе, бір бөлігі қарсылық танытты. Мадуро 2019-2025 жылдарға ант қабылдап, 10 қаңтарда мемлекет басшысы лауазымына кіріскен еді.
Дүйсенбі күні әскери топ Каракастың батысындағы Котис ауданындағы Ұлттық гвардия бөлімшелерінің бірінің штабын басып алды.
Бүлік шығаруға тырысқаны үшін 40-қа жуық әскери ұсталды. Халық ұсталғандарды қолдау үшін көшеге шығып, акциялар ірі шерулерге айналды.
Венесуэла парламентінің спикері Хуан Гуаидо сәрсенбіде жалғасып жатқан наразылық акциялары аясында өзін уақытша мемлекет басшысы ретінде жариялады. Америка Құрама Штаттары Гуаидоны мойындайтынын мәлімдеді.
АҚШ вице-президенті Майк Пенс Мадуроны мемлекетті басқаруға құқығы жоқ диктатор деп атады.
As the good people of Venezuela make your voices heard tomorrow, on behalf of the American people, we say: estamos con ustedes. We are with you. We stand with you, and we will stay with you until Democracy is restored and you reclaim your birthright of Libertad. pic.twitter.com/ThzIAqBoRn
— Vice President Mike Pence (@VP) 22 января 2019 г.
Президент Николас Мадуро жақтастарының алдында сөз сөйлеп, АҚШ өз мүддесі үшін мемлекеттік төңкеріс арқылы Венесуэла билігіне айтқанынан шықпайтын қуыршақ адамды қоюға тырысып жатқанын мәлімдеді.
Венесуэла көшелерінде қазір не болып жатыр?
Акциялар басталғалы бері үш күн ішінде шамамен 152 адам ұсталды.
#23E 11:40 AM Concentración de la oposición de #Venezuela. Detractores de @NicolasMaduro piden su salida del poder y proponen a @jguaido como presidente interino. pic.twitter.com/kt2GvD5P1D
— Jorge L Pérez Valery (@perezvalery) 23 января 2019 г.
Каракаста Мадуро режиміне қарсы наразылық білдірушілерді тежеуге Ұлттық гвардия әскері тартылды, көшеге брондалған машиналар шықты.
Португеса, Баринас, Тачира, Каракас, Амасонас, Боливар штаттарындағы қақтығыстар салдарынан 16 адам қаза болды, деп жазды РИА Новости La Prensa de Lara сайтына сілтеме жасап.
Каракастағы наразылық шеруінде алғаш болып көз жұмған 16 жастағы жасөспірім болып шықты.
Каракастың Пало-Верде ауданында атыс болды, деп хабарлады венесуэлалық журналист Роман Камачо. Монагас штатында үкіметке қарсы наразылық білдірушілер елдің Біртұтас социалистік партиясының ғимаратына шабуыл жасады.
Куәгерлердің бірі кеше кешке (Астана уақытымен бейсенбі таңертең – Sputnik) Каракастың батысындағы Венесуэла ұлттық полициясының жүк көлігін басып алғанын мәлімдеді.
Венесуэладағы жағдайды елдер қалай қабылдады
АҚШ-тан бөлек, Канада, Бразилия, Аргентина, Чили, Колумбия, Коста-Рика, Гватемала, Гондурас, Панама, Парагвай және Перу Гуайдидоның уақытша мемлекет басшысы ретіндегі мәртебесін мойындады.
Ресей Николас Мадуроны Венесуэланың заңды президенті ретінде мойындады, деп мәлімдеді Халықаралық істер жөніндегі федерация кеңесі комитеті төрағасының орынбасары Андрей Климов.
