НҰР-СҰЛТАН, 17 ақпан – Sputnik. Әлеуметтік желілерде коронавирустың өршуіне байланысты тәулік бойы жұмыс істеген қытай дәрігерлерінің суреттері таралып жатыр.
Дәрігерлер науқастардан вирусты жұқтырып алмау үшін үнемі арнайы бетперде киіп жүрген. Ұзақ уақыт бетперде киюдің салдарынан олардың жүзінде ісік, жара, тіпті тыртықтар пайда болған.
Images show the cuts and dents on the faces of exhausted medical teams in Wuhan who often end up falling asleep on hospital chairs and floors #Coronavirus https://t.co/i4pgHTiS9w via @MailOnline
— Sophie Tanno (@tanno_s) February 5, 2020
The Daily Mail хабарлағандай, суреттегі адамдардың көпшілігі эпидемияның ошағына айналған Уханьдағы аурухананың қызметкерлері.
Оқи отырыңыз: АҚШ-тың мемлекеттік хатшысы Қазақстанның осал тұсын атады
Суреттер әлеуметтік желіде қызу талқыланып жатыр. Қолданушылар қытайлық дәрігерлерге жанашырлық танытып, оларды нағыз батыр деп атауда.
Қытайдағы коронавирус
2019 жылдың 31 желтоқсанында Қытай билігі Дүниежүзілік денсаулық сақтау ұйымына Хубэй провинциясының Ухань қаласында белгісіз пневмония таралып жатқаны туралы хабарлады. Сарапшылар індеттің қоздырғышын анықтады – 2019-nCoV коронавирусы.
Соңғы мәлімет бойынша пневмониямен ауырғандардың саны 69 195 адамға дейін өсті. 1 665 адам қайтыс болды, барлығы 9 419 адам емделіп шықты.
