Әлем

Беларусьте президент сайлауынан кейін қақтығыс болды – видео

© Sputnik / Виктор ТолочкоПротесты в Беларуси
Протесты в Беларуси - Sputnik Қазақстан
Жазылу
Беларусь астанасында сайлау учаскелері жабылғаннан кейін наразылық акциялары басталды, құқық қорғау органдары көшеге шыққандарды қамауға алып жатыр

НҰР-СҰЛТАН, 10 тамыз – Sputnik. Жексенбі күні Беларусьте президент сайлауы өтті. Минскідегі сайлау учаскелері жабылғаннан кейін наразылық акциялары басталды. Тұтқындау шаралары өңірлерде де жүргізіліп жатыр.  

Түнде наразылық білдірушілер Жеңіс алаңына жиналды. Тәртіп сақшылары резеңке таяқ пен бұрышты баллон қолданды, деп хабарлады Sputnik Беларусь куәгерлерге сілтеме жасап.

Құқық қорғау органдарының қызметкерлері наразылық білдірушілерді жарық-шулы граната мен суатқыш қолдана отырып таратуға тырысты.

© Sputnik / Виктор ТолочкоБеларусьтегі сайлаудан кейінгі наразылық
Беларусьте президент сайлауынан кейін қақтығыс болды – видео - Sputnik Қазақстан
Беларусьтегі сайлаудан кейінгі наразылық

Түн ортасында күш құрылымдары жиналғандарды ығыстырып, Машеров даңғылы бойымен шегінуге мәжбүр етті. Содан кейін демонстранттар таратылды.

Арнайы операцияға ОМОН және ішкі әскер тартылды.

Оқи отырыңыз: Қазақстанда экс-министр сенат депутаттығына ұсынылды 

Минскідегі жедел жәрдем ауруханасына қосымша реаниматологтар мен травматологтар шақырылды. Медициналық мекеме зардап шеккендердің нақты санын атай алмады.

Минскінің орталығындағы аулаларда жүрген кейбір наразылық білдірушілер ұсталып жатыр.

© Sputnik / Виктор ТолочкоМинск көшелеріндегі күш құрылымдары
Беларусьте президент сайлауынан кейін қақтығыс болды – видео - Sputnik Қазақстан
Минск көшелеріндегі күш құрылымдары

Ішкі істер министрлігі рұқсат етілмеген жаппай шаралар өтіп жатқан Минск пен республиканың басқа да қалаларындағы жағдайды қадағалап отыр, деп хабарлады ведомствоның ресми өкілі Ольга Чемоданова.

"Минск пен облыс қалаларындағы жағдай толығымен бақылауда. Ұсталғандар бар, бірақ әзірге жалпы саны туралы мәлімет жоқ", - деп мәлімдеді Чемоданова.

Айта кетейік, ұлттық экзитполдың мәліметіне сәйкес, Александр Лукашенко 79,7%, Светлана Тихановская 6,8%, Анна Канопацкая 2,3%, Андрей Дмитриев 1,1%, Сергей Черечень 0,9% дауыс жинады. Сайлаушылардың 9,2% -і барлығына қарсы дауыс берді. Сауалнама 320 сайлау учаскесінде жүргізілді. Дауыс беруге сайлаушылардың 79% келген.

Орталық сайлау комиссиясы сайлаудың қорытынды нәтижесін 14 тамыз, жұма күні шығаруды жоспарлап отыр.

Жаңалықтар
0