НҰР-СҰЛТАН, 5 қыркүйек – Sputnik. Қытайдың шығысындағы Вэньчжоу қаласында үйлену тойының фотосессиясы кезінде бірнеше адам көз жұмды. Оқиғаның видеосы Newsflare сайтында жарияланды.
Қолдағы мәлімет бойынша, 2 қыркүйекте күйеу жігіт пен қалыңдықты теңіз жағасындағы жартастарда суретке түсіп жатқанда су ағызып әкеткен. Толқын фотограф пен визажисті де тартып алды.
Қыз бен визажистің мәйіті табылды, ал фотограф із-түзсіз жоғалып кеткендер тізіміне енгізілді. Агенттік күйеу жігіттің тағдыры не болғанын жазбады.
