02:48 07 Желтоқсан 2019
Тікелей эфир
  • USD384.97
  • EUR427.12
  • RUB6.04
Науқас, архивтегі сурет

"Қимылдамасын деп ұстап тұрды": түркістандық әйел көрген азабы туралы айтты– видео

CC0 / Engin_Akyurt
Өңірлер
Қысқа сілтеме алу
5005 0 0

Өңірлік полиция департаментінің баспасөз қызметі оқиғаға қатысты қылмыстық іс қозғалғанын хабарлап отыр

НҰР-СҰЛТАН, 22 қараша - Sputnik. Түркістан облысында тұрғынның арызынан кейін аудандық аурухана дәрігерлеріне қатысты қылмыстық іс қозғалды, деп хабарлайды КТК телеарнасы.

27 жастағы Дана үшінші балаға аяғы ауыр екенін білгенде түсік жасатпақ болған. Өйткені екі баласын кесар тілігін жасату арқылы босанған. Сондықтан үшіншісін дүниеге әкелу қауіпті болыпты.  Гинеколог оған түсік тастайтын дәріні 8 мың теңгеге сатып, екі күн өткен соң қайта келу керек екенін айтқан. Келіншектің айтуынша, қолындағы екі баламен барғанда, дәрігер ескертпестен аборт жасаған.

"Қатты ауырды, мен жыладым. Сонда да "шыда" деп, 15 минуттай тазалады. Санитаркалар мен қимылдамасын деп ұстап тұрды. Балаларым жылап қасымда болды", - дейді Дана Құршанбекова.

Жатыры мен ішегін жыртқан соң да дәрігер әйелді үйіне қайтарып жіберген. Дананың іші шыдатпай ауырып, үш күнде үш рет жедел жәрдеммен ауруханаға барған. Кейін сегіз сағат бойы ота жасап, жатырын алып тастады.

Қазір әйелдің ішегі сыртында жүр. Түтікшелер орнатылған. Дананың айтуынша, дәрігерлер денсаулығын ғана емес, тексерушілерге көрсететін мәліметтерді де бүлдірген.

"Жалған мәлімет жазып қойған. Жүкті болғанымды, түсік жасағанын жазбаған. Менде оны дәлелдейтін УЗИ қағаз бар", - дейді ол.

Болған жағдайдан кейін дәрігер өз еркімен жұмыстан шығып кеткен. Дананың туыстары төрт жарым ай бұрын құзырлы органдарға арыз берген.

"Іс қылмыстық кодекстің 317-бабы (медицина және фармацевтика жұмыскерінің тәртіптік міндетін тиісті орындамау) бойынша тексеріліп, қылмыстық іс қозғалған. Қазір қылмыстық іс бойынша сараптама тағайындалды", - деді Түркістан облысы полиция департаментінің баспасөз хатшысы Салтанат Қаракөзова.

Тағы оқыңыз: Баланың көзін жой: Атыраулық дәрігердің телефонын тыңдағандар есеңгіреп қалды

Облыстық денсаулық сақтау басқармасы тексеру жүргізіп, Асық ата ауруханасының бірқатар қызметкері сөгіс алған.

Тақырып бойынша

Шатастырып алған: дәрігерлер басқа әйелге аборт жасады
Перзентханадағы сұмдық: Ноғаев ауруханада қазір не болып жатқанын айтты
Әбден әлсіреген балалар Қордай ауруханасына түсті: дәрігерлер мән-жайды айтты
Дәрігерді шақырдым, ал ұлым қолымда өліп бара жатты – уланған қос сәбидің анасы
Кілт сөздер:
видео, азаптау, әйел, Түркістан облысы
Загрузка...

Басты тақырып