07:14 22 Шілде 2019
Тікелей эфир
  • USD384.87
  • EUR432.52
  • RUB6.11
Денсаулық сақтау министрі Елжан Біртанов

"Ашығын айту керек": Елжан Біртанов бас дәрігерлерге ескерту жасады

© Sputnik / Елена Бережная
Қоғам
Қысқа сілтеме алу
1029 0 0

Кейбір өңірлерде бір дәрігер үш маманның жұмысын істейді. Салдарынан медициналық қызметтің сапасы төмендеп отыр

НҰР-СҰЛТАН, 18 маусым – Sputnik. Денсаулық сақтау министрі Елжан Біртанов ауруханаларға тексеріс жасайтынын айтты, деп хабарлайды Sputnik Қазақстан тілшісі.

Министрдің айтуынша, бүгінде медицина саласында маман тапшылығы бар. Қазақстанға 7 мыңнан астам дәрігер жетпейді. Әсіресе, мемлекеттік мекемелерде кәсіби маман аз.

"Мамандардың көбісі жеке меншік мекемелерге кетіп қалады. Содан нағыз патриот дәрігерлерге, әсіресе, ауылды жерлерде жұмыс істейтін мамандарға үлкен салмақ түсіп жатады. Ашығын айту керек, бұл – проблема. Бірақ онымен бас дәрігерлер айналысуы тиіс", - деді Біртанов есеп беру кездесуінде.

Оның сөзіне қарағанда, республика бойынша әрбір дәрігер, кем дегенде, 1,4 коэффицентпен жұмыс істейді. Демек, әрбіреуі 1,5 ставкамен еңбек етеді. Ал кейбір өңірлерде дәрігерлер үш адамның жұмысын жасайды. Ондайда медициналық қызметтің сапасы төмендейді.

"Әсіресе, анестезиолог-реаниматолог пен акушер-гинелог мамандықтары бойынша жағдай қиын болып тұр. Ал аурухана басшылары тиісті стандартты орындамаса, интенсивті терапия мен бала туу саласындағы медициналық қызметтің сапасын қалай көтереміз?", - деп атап көрсетті Біртанов.

Тағы оқыңыз: 480 күн ес-түссіз жатқан сәбиге бұрын-соңды болмаған ота жасалды

Министрдің сөзіне қарағанда, биыл екінші жартыжылдықта тиісті комитеттің мамандары ауруханалардың жан сақтау және интенсивті терапия бөлімдерін кадрлық қамтамасыз ету жағын тексеретін болады. Дәл осы бөлімдерде маман тапшылығы анықталса, тиісті шаралар қабылданады. Тіпті, лицензияны алып қоюға дейін жаза қолданылады.

Тақырып бойынша

Қазақстанда мұғалімдер мен дәрігерлердің мәртебесін көтеретін заң қабылданады
Дәрігерлер қан қысымын түсірудің жолын анықтады
"Дені сау сәбиді өмірге әкелдім": ВИЧ жұқтырған астаналық әйелдің әңгімесі
Баланы неше жаста сүндетке отырғызу керек – дәрігер кеңесі
"Құрбанның рөлін ойнайды" Нарколог жастардың неге есірткіге салынатынын айтты
Кілт сөздер:
бас дәрігер, Елжан Біртанов
Загрузка...

Басты тақырып