15:56 14 Қараша 2019
Тікелей эфир
  • USD389.34
  • EUR428.78
  • RUB6.05
Қасым-Жомарт Тоқаев

Қасым-Жомарт Тоқаев туралы не білеміз?

© Sputnik / Болат Шайхинов
Дерекқор
Қысқа сілтеме алу
Нұрсұлтан Назарбаевтың отставкасы (32)
18946 0 0

Мемлекет және қоғам қайраткері Қасым-Жомарт Тоқаевтың өмірбаянын Sputnik дерекқорынан оқыңыз

Қасым-Жомарт Тоқаевтың өмірбаяны

Қасым-Жомарт Кемелұлы Тоқаев – Қазақстанның мемлекет және қоғам қайраткері, саяси ғылымдар докторы. 1953 жылы 17 мамырда Алматыда туған. 

Әкесі Кемел Тоқаев (1923-1986) Ұлы Отан соғысының ардагері, белгілі қазақ жазушысы болған. Анасы Тұрар Шабарбаева (1931-2000) Алматы шет тілдер педагогикалық институтында жұмыс істеген.

1992 жылы Қасым-Жомарт Тоқаев ҚР Сыртқы істер министрінің орынбасары болып тағайындалды. 1993 жылы сыртқы істер министрінің бірінші орынбасары, 1994 жылы сыртқы саяси ведомствоның басшысы болды. Тоқаев сыртқы істер министрлігін бес жыл басқарды. 

1999 жылдың наурызында премьер-министрдің орынбасары болып тағайындалды. Ал 1999-2002 жылдары Қазақстан үкіметін басқарған. 2002 жылдың қаңтарында отставкаға өтініш берді, кейін Мемлекеттік хатшы – Сыртқы істер министрі болып тағайындалды. 

Тоқаев бас-аяғы он жыл Қазақстанның сыртқы істер министрі болды (1994 – 1999, 2002 – 2007). Сыртқы саяси ведомствоның басшысы ретінде ядролық қаруды таратпау ісіне белсене атсалысты. Бұрынғы дипломаттар Тоқаевты "ел дипломаттарының жетекшісі, халықаралық дипломатияда салмағы бар тұлға" деп бағалайды.

2007-2011 жылдар аралығында ҚР Парламенті сенатының төрағасы қызметін атқарды. 

Қасым-Жомарт Тоқаев пен Пан Ги Мун
Қазақстан парламентінің сенаты
Қасым-Жомарт Тоқаев пен Пан Ги Мун

2011 жылдың наурызында Тоқаев БҰҰ бас хатшысының орынбасары, БҰҰ-ның Женевадағы бөлімшесінің бас директоры, сондай-ақ Қарусыздандыру жөніндегі конференцияның бас хатшысы болып тағайындалды. 

2013 жылдың 16 қазанынан бері – Парламент сенатының төрағасы. 

Қазақ, орыс, ағылшын, қытай және француз тілдерін біледі.

Тағы оқыңыз: Тоқаев мұғалімдердің жалақысына қатысты пікір білдірді

Сүйікті ісі

Белгілі саясаткердің хоббиі – кітап оқу. Мемуарлық, тарихи және көркем әдебиеттерді сүйіп оқиды.

Бұған қоса, өзі де тоғыз кітап пен халықаралық қатынас мәселелері туралы көптеген мақаланың авторы.

Қасым-Жомарт Тоқаев сайлау кезінде
ҚР Парламентінің сенаты
Қасым-Жомарт Тоқаев сайлау кезінде
 "Твиттер" белсендісі

Белгілі саясаткер "Твиттер" әлеуметтік желісін белсенді қолданатындардың қатарынан. 

Елдегі және әлемдегі маңызды оқиғаларға қатысты пікірін желіде үнемі білдіріп отырады. Жуырда оқушыларға бірінші сыныптан бастап ағылшын тілін оқытудың қажеті шамалы екенін, ең әуелі, қазақ және орыс тілдеріне ден қою керек екенін жазған болатын.

Сондай-ақ, таяуда Қасым-Жомарт Тоқаев ВВС-ге берген сұқбатында Нұрсұлтан Назарбаев 2020 жылы президент сайлауына қатысатынына сенбейтінін ашық айтқан еді. Сенат спикерінің жеке пікірі қазақстандық БАҚ беттерінде қызу талқыланды. 

Тағы оқыңыз: Тоқаев Назарбаевқа қатысты айтқан сөзін түсіндірді

Қасым-Жомарт Тоқаевтың отбасы 

Үйленген, баласы Тимур Тоқаев 1984 жылы Мәскеуде туған, Швейцариядағы "Коллеж дю Леман" және Вебстер университетінде білім алған. Саяси ғылымдар кандидаты. Жары Надежда Тоқаева 1957 жылы туған, Мәскеу тарих-мұрағат институтының түлегі.

Тақырып:
Нұрсұлтан Назарбаевтың отставкасы (32)

Тақырып бойынша

Нұржан Төлендиев (Тука) туралы не білеміз?
Бекболат Тілеухан туралы не білеміз?
Қайрат Нұртас туралы не білеміз?
Назарбаеваның жалғыз қызы туралы қызықты деректер
Ерекше сыйлықтар. Дариға мен Әлия Назарбаевалар әкесіне қандай сый жасады?
Дариға Назарбаеваның қызының тойы: жас жұбайлар туралы не білеміз?
Димаш Құдайбергенов туралы не білеміз?
Венера Назарбаева келін болып түскен Шайжүнісовтер әулеті жайлы не білеміз?
Кілт сөздер:
өмірбаян, сенат төрағасы, мұрагер, отбасы, премьер-министр, мемлекет және қоғам қайраткері, Қасым-Жомарт Тоқаев
Загрузка...

Басты тақырып